Klumech er a Oldingel e Olisechakl, Ongelolem el buil 2017
Klisichel a Priesthood lokiu Otireklel a Telbiil
Mosuub er tial tekoi lokiu a nglunguuch e mosiik el mo medengelii a bo mobang lolisechakl. Ng mekera sel klemedengei el kirel a moktek er a Relief Society a le kedmekelterir a rengelekel a Dios el redil el mo ngmai a klengeltengat er a diak a ulebengelel klengar?
Klaumerang, Telungalek, Ngeseu
“A klemechek … el mo er a rokui el chad a kmo bol sebechel a bek el sikang er a klengar kid de ‘ngeltengat el kiei lokiu a klisichel a priesthood,’ el diak el iior er a teletael er a klengar el de ngara chelsel,” ng millekoi a Elder Neil L. Andersen er a Chelechad er a Teruich me a teru el Apostol.
“… Sel bom klikiid e moruul a chedaol ruoll er a priesthood, e a Rubak a mo meskemiu a ngarbab er klisiich, budech, me a moktek el kirel a diak a ulebengelel klengar. Ngii di el teletael el om ngara chelsel, e a delengchekliu a mo ‘ngeltengat lokiu a klisichel a priesthood.’”1
Kede mekera e siotai er a klisichel a priesthood el mei er a klengar kid? A Elder M. Russell Ballard er a Chelechad er a Teruich me a teru el Apostol a omeklatk er kid el kmo “tirkel mla nguu a techolbechelid e sola ngmai a klengeltengat er a chelsel a blil a Rubak a sebechir el ngmai a kmal mekreos e klebokel el klengeltengat. Aika el klengeltengat a meral sengk er a klisiich … [e a] Demad er a Babeluades a bekerurau er a Klisichel. Ngii omeklatk er kid el kmo a rsechal me a redil “a di diul ngmai a klengeltegnat lokiu osisiu el klisiich” er a chelsel a templo, “el ngii a sebeched el kmo ng klisichel a priesthood.”2
A Linda K. Burton, el Merredel er a Cheldellel a Relief Society, a millekoi el kmo: “Chelecha el uasie el de rokui el soad a klisichel a priesthood er a chelsel a telungalek er kid me a rekeblid, e ngera ikel kid a kired el meruul el mo uchul e tial klisiich a me soiseb er a klengar kid? A melemalt lomerelled a klou a belkul kirel a ngeiul a klisichel a priesthood.”3
“Alsekum e kede kmal mo oba ngariou el reng er a medal a Rubak e olengit er a Ngii me losischeklid, e Ngii a mo otii er a kid a rael el mo nguu a Klisichel,” ng millekoi a President Russell M. Nelson, el Merredel er a Chelechad er a Teruich me a teru el Apostol.4
Bebil ra Chedaol llechukl me a Tekoi
1 Nephi 14:14; Doctrine and Covenants 121:36; 132:20; reliefsociety.lds.org
© 2017 lokiu a Intellectual Reserve, Inc. Urrekodel a rokui el klisiich. Milluches er a USA. English approval: 6/16. Kengei ra oidel: 6/16. Oidel a Visiting Teaching Message, June 2017. Palauan. 97926 881