Ozi nke Otu Ndị-Ịsi Nduzi Mbụ, Ọnwa Ịsịị 2016
Ọkpụkpọ-oku Ịrụ-ọrụ
Mgbe Onye-amụma Joseph Smith kpọrọ Okenye Heber C. Kimball (1801–68) “imepe ụzọ nke nzọpụta” dịka onye mgbasa ozi-ọma nye England, Okenye Kimball jupụtara na mmetụta adịghị-ike.
“O, Onye-nwe,” ka o dere, “A bụ m mmadụ okwu ntabi-ure, ma n’ezia ezughi-oke maka ụdị ọrụ a.”
Okenye Kimball kwetere ọkpụkpọ-oku ahụ n’agbanyeghị, gbakwunyere: “Ntulee niile ndịa emeghị ka m dapụ n’ụzọ ọrụ; otu aka ahụ m ghọtara uche nke Nna m nke Eluigwe, enwetara m mmetụta agbam ume ịga n’ebe niile n’adighị mfe, kwenye na Ọ ga-etinyere m aka site na ike Ya kacha dị elu, ma nyekwasi m nghọta niile nke m ga-eji arụ ọrụ.”1
Ụmụnne ndị nwoke na ndị nwanyị n’etolite etolite ndị akpọrọ-oku iga ọrụ-mgbasa-ozi n’uju-oge, akpọwo gị n’ọrụ n’ihi gị, dịka Okenye Kimball, “nwere mmasi ijere Chineke Ozi” (O&O 4:3) na n’ihi I dị na njikere ma tozuokwa oke.
Ndị di na nwunye agadi, akpọwo unu oku ịrụ-ọrụ n’ihi ụdị ebomn’uche ahụ. Gị, otu-o-sila dị, wetere ọbụghị nanị mmasi ije-ozi kama akọnuche iritere site n’oge niile nke ichu-aja, ịhụnaanya, na uche in wetere n’ọrụ nke Nna gị nke Eluigwe nwere ike iji metụ mkpụrụ obi niile nke ụmụ Ya ndị nwoke na ndị nwanyị ndị na-achọ eziokwu. N’enweghị obi abụọ ị mụtala na anyị enweghị ike n’eziokwu inwe ịhụnaanya n’Onye-nwe-anyị tutu mgbe anyị jewooro Ya ozi site n’ijere ndị ọzọ ozi.
Nye mmasi unu ije-ozi dịka ndị mgbasa-ozi ọma, I ga-agbakwunye okwukwe na mgbasi-ike, mgbam-ume na ezi ntụkwasi obi, nwee mkpebi ma kwuru-chim na oke ahụhụ, kpebie ma nyefee n’aka Chukwu. Ndị mgbasa-ozi-ọma kwuru chim nwere ike iwete ọrụ-ebube n’ime ebe mgbasa-ozi-ọma.
Onye-isi-nduzi John Taylor (1808-87) kwupụtachara ejirimara dị mkpa nke ndị mgbasa-ozi-ọma n’ụzọ a: Ụdịrị nwoke [na nwanyị na di na nwunye] anyị chọrọ dịka ndị n’ebukwasi onwe ha ozi nke oziọma bụ mmadụ ndị nwere okwukwe n’ime Chineke; mmadụ ndị nwere okwukwe n’ime okpukpere-chi; mmadụ ndị na-akwanyere ọkwa-nchu-aja ha ugwu; mmadụ n’ime ha … Chineke nwere ezi ntụkwasi obi. … Anyị chọrọ mmadụ jupụtara na Mmụọ Nsọ na ike nke Chineke[,] … mmadụ nwere nnukwu ugwu, izu-oke, ezigbo omume na idi-ọcha.”2
Onye-nwe-anyị amaala ọkwa:
N’ihi na lee ụbị ahụ chara-acha na-echere owuwe-ihe-ụbị; ma hụrụ, onye tụbara mma iwe ihe-ụbị n’ike ya, onye ahụ na-akpadokọta ka ọ ghara ịla-n’iyi, mana weta nzọpụta nye mkpụrụ-obi ya;
Ma okwukwe, olile-anya, afọ-ọma na ịhụnanya, jiri anya lekwasị nanị n’otuto nke Chineke, na-eme ka o tozuo ịrụ ọrụ ahụ. (O&O 4:4–5)
Ọkpụkpọ-oku gị abịawo site na mkwalite nke mmụọ. Ana m agba ama na onye nke Chineke kpọrọ oku, Chineke n’azụpụta. I ga-anata enyem aka sitere n’igwe dịka I na-arụ ọrụ na-njupụta n’ekpere n’ime ubi nke Onye-nwe-anyị.
Nkwa ahụ mara mma nke Onye-nwe-anyị nyere ndi mgbasa-ozi-ọma na mbido ọgbọ nke a, dịka edere n’ime Ozizi na Ọgbụgba-ndụ niile, ga-abụ nke gị: “A ga m aga n’ihu gị. Aga m anọ n’aka nri gị ma n’aka ekpe gị, ma Mụọ nke m ga-anọ n’obi unu niile, ma ndị mụọ-ozi m ga-anọ gburu-gburu unu ikwalite unu” (O&O 84:88).
Dịka ị na-eje ozi, ị ga-ewulite enyị na ncheta ebighị-ebi bara ụba. Amaghịm maka ebe mgbasa ozi nke na-amụpụta karịa owuwe obi-ụtọ dị ukwuu karịa ebe mgbasa ozi-ọma.
Ugbua, otu okwu nye ndị mgbasa ozi-ọma ụmụnne ndị nwoke ahụ, ụmụnne nwanyị, na di na nwunye ndị, n’ihi ebumnuche ọbụla, n’enweghị ike inọcha oge ha n’ime ebe mgbasa ozi-ọma: Onye-nwe-anyị hụrụ gị n’anya. Ọ nabatara ichu-aja gị. Ọ maara enwetaghị ebumnuche gị. Marakwa na O ka nwere ọrụ ị ga-arụ. Ekwekwala ka Ekwensu gwa gị ihe ọzọ. Agbadatakwala ala; ume agwukwala gị; adakwala mba.
Dịka m matara na ọgbakọ zuruọha nwa obere oge mgbe akpọsiri idu Nzukọ-nsọ: “Atụla-egwu. Nwee ihu-ọchi. Ọganiihu chapụrụ dịka okwukwe gị.”3 Nkwa ahụ nọsikwara gị ike. Ya mere adapụkwala n’okwukwe gị, n’ihi Onye-nwe-anyị aghaghị inwe okwukwe n’ime gị. Debe ọgbụgba-ndụ gị niile ma gaa n’ihu.
Ụwa nwere mkpa ozi-ọma nke Jisọs Kraịst. Ka Onye-nwe-anyị n’eji mkpụrụ-obi mgbasa ozi-ọma agọzie Ndị-nsọ Ya niile—na-agbanyeghị ebe ha n’eje ozi.
© 2017 site n’aka Intellectual Reserve, IncIkike Mbipụta niile ka edokwara Ebipụtara na USA. Asụsụ Bekee akwadoro: 6/16 Nkwado ntụgharị-asụsụ: 6/16 Ntụgharị-asụsụ nke First Presidency Message, June 2017. Igbo 97926 593