ຂ່າວສານການຢ້ຽມສອນ, ເດືອນມິຖຸນາ 2017

ອຳນາດຂອງຖານະປະໂລຫິດຜ່ານການຮັກສາພັນທະສັນຍາ

ໃຫ້ສຶກສາຂ່າວສານນີ້ດ້ວຍການອະທິຖານ ແລະ ສະແຫວງຫາການດົນໃຈເພື່ອຈະໄດ້ຮູ້ຈັກສິ່ງທີ່ຄວນແບ່ງປັນ. ການເຂົ້າໃຈຈຸດປະສົງຂອງສະມາຄົມສະຕີສົງເຄາະ ຕຽມທິດາຂອງພຣະເຈົ້າ ສຳລັບພອນແຫ່ງຊີວິດນິລັນດອນແນວໃດ?

ສັດທາ ຄອບຄົວ ສົງເຄາະ

“ຂ່າວສານຂອງຂ້າພະເຈົ້າຕໍ່ … ທຸກຄົນນັ້ນຄື ເຮົາສາມາດດຳລົງຊີວິດໃນແຕ່ລະຊົ່ວໂມງ ‘ໂດຍໄດ້ຮັບພອນຈາກອຳນາດຂອງຖານະປະໂລຫິດໄດ້,’ ບໍ່ວ່າສະພາບການຂອງເຮົາຈະເປັນແນວໃດກໍຕາມ,” ແອວເດີ ນຽວ ແອວ ແອນເດີເຊັນ ແຫ່ງກຸ່ມອັກຄະສາວົກສິບສອງໄດ້ກ່າວ.

“… ເມື່ອທ່ານມີຄ່າຄວນທີ່ຈະມີສ່ວນຮ່ວມໃນພິທີການຂອງຖານະປະໂລຫິດ, ພຣະຜູ້ເປັນເຈົ້າຈະມອບພະລັງ, ຄວາມສະຫງົບ, ແລະ ທັດສະນະນິລັນດອນທີ່ຍິ່ງໃຫຍ່ກວ່າໃຫ້ແກ່ທ່ານ. ບໍ່ວ່າສະພາບການຂອງທ່ານຈະເປັນແນວໃດກໍຕາມ, ບ້ານເຮືອນຂອງທ່ານຈະ ‘ໄດ້ຮັບພອນໂດຍພະລັງຂອງອຳນາດຂອງຖານະປະໂລຫິດ.’”¹

ເຮົາຈະເຊື້ອເຊີນອຳນາດຂອງຖານະປະໂລຫິດໃຫ້ເຂົ້າສູ່ຊີວິດຂອງເຮົາໄດ້ແນວໃດ? ແອວເດີ ເອັມ ຣະໂຊ ບາເລີດ ແຫ່ງກຸ່ມອັກຄະສາວົກສິບສອງ ເຕືອນເຮົາວ່າ “ຄົນທີ່ໄດ້ເຂົ້າໄປໃນນ້ຳແຫ່ງການບັບຕິສະມາ ແລະ ຫລັງຈາກນັ້ນ ໄດ້ໄປຮັບເອົາຂອງປະທານສັກສິດຢູ່ໃນບ້ານຂອງພຣະຜູ້ເປັນເຈົ້າ ຈະເໝາະສົມສຳລັບພອນທີ່ດີເລີດ ແລະ ປະເສີດ. ຂອງປະທານສັກສິດ ເປັນຂອງປະທານແຫ່ງອຳນາດແທ້ໆ … [ແລະ] ພຣະບິດາຜູ້ສະຖິດຢູ່ໃນສະຫວັນຂອງເຮົາ ກໍເພື່ອແຜ່ໃນອຳນາດຂອງພຣະອົງ.” ພຣະອົງເຕືອນເຮົາວ່າ ຊາຍ ແລະ ຍິງ “ທັງສອງໄດ້ຮັບຂອງປະທານດ້ວຍອຳນາດດຽວກັນນັ້ນ” ໃນພຣະວິຫານ, “ຊຶ່ງໂດຍຄຳອະທິບາຍແລ້ວ ມັນແມ່ນອຳນາດຖານະປະໂລຫິດ.”²

ລິນດາ ເຄ ເບີຕັນ, ປະທານສະມາຄົມສະຕີສົງເຄາະສາມັນ, ໄດ້ກ່າວວ່າ: “ນັບແຕ່ອຳນາດຂອງຖານະປະໂລຫິດເປັນບາງສິ່ງທີ່ເຮົາທຸກຄົນປາດຖະໜາທີ່ຈະມີ ໃນຄອບຄົວ ແລະ ໃນບ້ານເຮືອນຂອງເຮົາ, ແລ້ວ ມີສິ່ງໃດແດ່ທີ່ ເຮົາ ຕ້ອງເຮັດ ເພື່ອຈະໄດ້ເຊື້ອເຊີນອຳນາດດັ່ງກ່າວ ໃຫ້ເຂົ້າມາສູ່ຊີວິດຂອງເຮົາ? ຄວາມຊອບທຳສ່ວນຕົວເປັນສິ່ງທີ່ຈຳເປັນຕໍ່ການມີອຳນາດຂອງຖານະປະໂລຫິດ.”³

“ຖ້າຫາກເຮົາມາສູ່ທີ່ປະທັບຂອງພຣະຜູ້ເປັນເຈົ້າຢ່າງຖ່ອມຕົນ ແລະ ທູນຂໍໃຫ້ພຣະອົງສອນເຮົາ, ພຣະອົງຈະສະແດງໃຫ້ເຮົາເຫັນວິທີທີ່ ເຮົາ ຈະເຂົ້າເຖິງອຳນາດຂອງ ພຣະອົງ ,” ປະທານຣະໂຊ ເອັມ ແນວສັນ, ປະທານຂອງກຸ່ມອັກຄະສາວົກສິບສອງໄດ້ກ່າວ.⁴

ຂໍ້ພຣະຄຳພີ ແລະ ຂໍ້ມູນເພີ່ມເຕີມ

1 ນີໄຟ 14:14; Doctrine and Covenants 121:36; 132:20; reliefsociety.lds.org

© 2017 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/16. ການແປໄດ້ຮັບອະນຸຍາດ: 6/16. ແປຈາກ Visiting Teaching Message, June 2017. Laotian. 97926 331