Shoko reDzidziso yeKushanyirana, Chikumi 2017
Simba reHupirisita kuburikidza Nekuchengeta Zvibvumirano
Nemunamato dzidza chinyorwa chino uye wotsvaga femero yekuziva izvo zvekugovera. Kunzwisisa chinangwa cheChita cheRubatsiro kunozogadzirira sei vanasikana vaMwari kuwana maropafadzo ehupenyu husingaperi?
Rutendo, Mhuri, Rubatsiro
“Shoko rangu kwamuri … mose nderekuti tinogona kurarama awa yega yega ‘tichikomborerwa nemasimba esimba rehupirisita’, zvisinei nemagariro akaita munhu,” pamamiriro ezvinhu api zvawo vakadaro Gosa Neil L. Andersen veChikwata cheVaapositori vaneGumi neVaviri.
“… Apo pamunotora chinhano muzvisungo zvehupirisita makakodzera, Ishe vanozokupai simba guru, runyararo, uye nemaonero ezvinhu ekusingaperi. Mumamiriro ezvinhu enyu api zvawo, imba yenyu ‘inozokomborerwa nemasimba esimba rehupirisita’”. 1
Tingakoke sei masimba ehupirisita muhupenyu hwedu? Gosa M. Russell Ballard veChikwata cheVaapositori vaneGumi neVaviri vanotiyeuchidza kuti “avo vakapinda mumvura dzerubhabhatidzo uye vakazogamuchira endawumendi yavo muimba yaIshe vanekodzero yekuwana makomborero anokosha uye anoshamisa. Endawumendi iyoyi inotova chaizvo chipo chesimba … [uye] Baba vedu vari Kudenga havana rutsuta nesimba Ravo.” Vanotirangaridza kuti varume nevakadzi “vese vanoropafadzwa nesimba rimwechetero” “mutemberi, izvo netsananguro zvinova zvinoreva simba rehupirisita”. 2
Linda K. Burton, Mutungamiri Mukuru weChita Cherubastiro, akati: “Sezvo simba rehupirisita chiri chinhu chatinoda tose kuvanacho mumhuri nemudzimba dzedu chii isu chatinofanirwa kuita kuti tikoke simba iroro muhupenyu hwedu? Ururami hwakakoshesa pakuti uve nesimba rehupirista”.3
“Kana tikazviendesa pamberi paIshe takazvininipisa uye tikaVakumbira kuti vatidzidzise, Vanotirakidza kuti tinowedzera sei mukana wekushandisa simba Ravo,” vakadaro Mutungamiri Russell M. Nelson, Mutungamiri weChikwata cheVaapositori vaneGumi neVaviri.4
Zvimwe Zvinyorwa Zvitsvene neRuzivo
1 Nifai 14:14; Dzidziso neZvibvumirano 121:36; 132:20; reliefsociety.lds.org
© 2017 ne Intellectual Reserve Inc. Ndiyo chete inekodzero dziri pamutemo dzekushandiswa kwechinyorwa chino. Chakadhindwa muUSA. Mvumo yeMuchirungu: 6/16. Mvumo yedudziro: 6/16. Dudziro ye Visiting Teaching Message, June 2017. Shona. 97926 731