iTabagone
Na Gauna e Mate Kina o Noqu iTokani
E vakaitikotiko mai Utah, Amerika, o koya e vola.
Gauna au se vuli kina, e dua na noqu itokani a tauvimate bibi sara ka mani leqa ena siga ka tarava. Dina niu sa lewe ni lotu voli kina, au sotava voli ga na dredre. Au vakavulici ena noqu bula taucoko meu dau rai vua na Tamaqu Vakalomalagi kei na iVakabula ena cava ga e gadrevi, ia au sega vakadua ni lako curuma e dua na ka vakaoqo.
E vaka auwa na noqu dau tagi voli, ena noqu sasaga meu kunea e dua na ka—so na ka—meu kunea kina na vakacegu. Na bogi oti na nona sa mai yali, au vakacega na ivola ni serenilotu. Gauna au cereka yani kina na vei tabana, au cereka donu tu yani na sere “Mo ni Mai Tiko Ga kei Au; ’Ni sa Karobo Mai” (serenilotu, no. 64). E lauti au vakalevu na katolu ni qaqana.
Mo Ni Mai; Tikoga kei Au
Niu galili edai
Au masu ga vei kemuni
Seavu na buto.
Vesuki tu ena rere.
Mo ni karoni au.
Turaga mo ni tauri au;
Meu nomuni oqo.
Na qaqana oqo e kauta mai vei au na vakacegu. Au vakila ni sega walega ni tiko vata kei au na iVakabula na bogi oya, ia e kila o Koya na ka au lako curuma tiko ena gauna o ya. Au kila ni loloma au a vakila ena serenilotu e sega walega ni vukei au ena bogi oya, ia e vukei au talega ena vuqa na veivakatovolei au sa vosota oti yani.