iVaqa ni Veisiko, Julai 2017
Mera Na Dua Bau Ga
Vulica ena masumasu na itukutuku oqo ka vakasaqara na veivakauqeti vakayalo mo kila na ka mo wasea. Ena vakarautaki ira vakacava na luve ni Kalou yalewa ki na veivakalougatataki ni bula tawamudu na kena kilai deivaki na inaki ni iSoqosoqo ni Veivukei?
“A rawata o Jisu na taucoko ni duavata kei Tamana ena Nona soli Koya, na yagona kei na yalona, ki na lewa nei Tamana,” e vakavulica o Elder D. Todd Christofferson of the Quorum of the Twelve Apostles.
“… E dina ni da na sega ni duavata kei na Kalou kei Karisito yacova ni da cakava na lomana me noda gagadre Na talairawarawa ena sega ni na rawata ena lomani dua ga na siga, ia ena nona vei karoni na Yalo Tabu, na Kalou ena vakavulici keda kevaka ena talairawarawa kina, ena rawa ni da tukuna vakadodonu ni o Koya e tiko kei keda na Tamana e tiko kei Koya.”1
Linda K. Burton na Peresitedi Raraba ni Soqosoqo ni Veivuke, e vakavulica vei keda me da cakacaka yani ena duavata: “E da vakayacora ka maroroya na noda veiyalayalati e dua na ivakaraitaki ni noda veidinadinati meda vaka na noda Vakabula. Na inaki meda saga ena delani ituvaki vinaka ni vakasama, ka mo wasea ena vica walega na malanivosa ena dua na nomu sere taleitaki: ‘Au na lako ke ko ni lewa. … Cavuta na nomuni vosa. … Me yaco nomuni lewa.’”2
Elder Christofferson e vakananuma vei keda “Ni da segata ena veisiga yadua kei na veimacawa me da muria na sala nei Karisito, ena vakadeitaka na yaloda na kena duatani, sa na malumu na ivalu eloma, ka sega ni veivakaleqai na veitemaki.”3
O Neill F. Marriott, Karua ni Daunivakasala ena Mataveiliutaki Raraba ni Goneyalewa, e wasea na nona ivakadinadina ena nona saga me salavata kei na nona rai na Kalou “Au dau saga vakaukauwa meu tagutuva tani na gagadre vakavuravura meu muria ga na noqu sala, ia au dau qai kila ni noqu sala e takiveiyaga, yala koso, ka toro sobu ni vakatauvatani ki na sala i Jisu Karisito. ‘[Na Tamada Vakalomalagi] e dodonu vinaka na Nona sala ka na laki cava ena marau ni bula oqo, kei na bula tawamudu ena bula sa bera mai.’”4 Era tuva nodra lalawa tawamudu me ra bula vata tale kei na Tamada Vakalomalagi kei na Luvena, o Jisu Karisito.
iKuri ni iVolanikalou kei na iTukutuku
Joni 17:20–21; Efeso 4:13; Vunau Kei Na Veiyalayalati 38:27; reliefsociety.lds.org
© 2017 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me Vakavalagi 6/17. Vakadonui me vakadewa: 6/17. Vakadewa ni Visiting Teaching Message, July 2017. Fijian. 97927 858