Mwet Fuhsr
Ke Kawuck Luhk el Misac
Mwet sihm sac muhta fin acn Utah, USA.
Ke nga kuhlahs singucul sie high school ac, oasr mas se ke brain luhn kawuck se luhk ac el misac ke lwen tok ah. Finne nga mempucr ke Alu uh, tuh arlac upac nuh sihk. Lutiyuck nga ke lusen moul luhk lah nga kuh in for nuh sel Pahpah Lucng ac Mwet Lahngo ke oacna sie ma, tuhsruhk nga tiacna sun kain in ohiyac se inge met.
Ao nga muhta tuhng, srihke in konwacack sie ma—ma—ac use mihslac nuh sihk. Fong se tukun el misac ah, nga forwacng nuh ke puk in on in alu ac. Ke nga olang sra puk ac, nga sun “Abide with Me; ’Tis Eventide” (Hymns, no. 165). Fuhs ahk tolu pwacnlah muhtuhk:
Muhta yuruk; pa ekuh an,
Ac muhkuh fong suc ac fah tuhkuh
Fin nga tiac kuh in sramsram nuh sum,
Kuh konwacack kahlwem luhk in kom.
Mwe lohsr luhn facluh, suc nga sahngweng kac,
Ac oan in lohm sihk.
O Mwet Lahngo, wiyuc ke fong se inge;
Liye, fong tuhkuh.
Fuhs se inge use mihslac yohk nuh sihk. Nga etuh in pacl sac lah Mwet Lahngo el tiac wiyuc muhkwena ke fong sac tuhsruhk El oacyacpac etuh na pwacye lah meac nga puhlakihn. Nga etuh lah luhngse nga puhlakihn ke on soko inge tiac kahsrweyuclac muhkwena ke fong sac tuhsruhk kahsrweyuclac ke ma upac puhs suc ma nga muhtwacnglah.