Pweng ke Forfor Luti, Julahe 2017
Tuh Elos In Ma Sefanna
Pruhe in lutlutkihn kuhfa se inge ac suk kolyuck in etuh ma in akacsruhi kac. Kahlwem ke srihpac luhn Rilif Sosaiti ac ahkoelah fuhkah tuhlihk muhtwacn nuhtin God nuh ke mwe insewowo ke moul ma pahtpaht uh?
Luhlahlfongi Sucu Kahsruh
“Jisus el oraclah ma sefanna nuh sin Pahpah ke el Esaclwacng, kwewana ke mahno ac nguhn, ke luhngse luhn Pahpah,” Elder D. Todd Christofferson ke U luhn Mwet Sap Singucul Luo el luti.
“… Pwacyena lah kuht ac tiac ma sefanna nuh sin God ac Kraist nekena kuht oraclah kena ac luhngse Lalos in pa kena yohk emet lasr uh. Eiskuhtyang nohfohn uh tiac kuh in sikyak ke lwen se na, tuhsruhk ke Nguhn Muhtahl, Leum el ac luti kuht fin kuht insese nuh kac nekena, ke pacl, ac kuh in fwack na pwacye lah El oasr in kuht oacna ke Pahpah el oasr in El.”1
Linda K. Burton, Prestuhn Luhlahp luhn Rilif Sosaiti, el luti lah kuht ac orekma fuhkah in ma sefanna: “Oraclah ac liyacacng olwelah lasr pa sie ohiyac ma fahkwack lah kuht muhtwacwacack in eiskuhtyang in oacna Mwet Lahngo. Ma sun emet uh pa in kwacfeacng nuh ke elah ma ahkkahlwemyeyuck ke kuhtuh pohloh kahs ke soko on ma nga luhngse: ‘I’ll go where you want me to go. … Nga ac fahk ma kom luhngse nga in fahk. … Nga fah oacna ma kom luhngse nga in oacna.’”2
Elder Chritofferson el oacyacpac akacsmakihnye kuht lah “ke kuht kwacfeacng ke lwen nuh ke lwen ac wik nuh ke wik in ukwe inkacnek luhn Kraist, nguhn lasr uh ahkkahlwemye mahtuhiyac, mweun ke ma wo ac ma koluk, ac mwe sruhf uh tilac ahkfohs.”3
Neill F. Marriott, Mwet Kahsruh se Ahkluo ke Prestuhn Luhlahp luhn Muhtwacn Fuhsr, el fahkwack luhlahlfongi lal ke mwe insewowo ke kwacfeacng in oruh luhngse lasr in kuhpahsryang nuh ke luhngse luhn God: “Nga srihke kuhiyuck in sislah kena luhn moul in ikoac luhk in eis ma uh ke inkacnek luhk sifacna, tohkohyang nga konwacack lah inkacnek luhk uh arlac suhfas, wacngihn suhna, ac suhfallac nuh ke inkacnek luhn Jisus Kraist uh. ‘Inkacnek luhn [Pahpah Tuhmasr Inkuhsrao] pa inkacnek ma kol nuh ke engan ke moul se inge ac moul ma pahtpaht ke facl se fahsruh uh.’”4 Lwelah kuht in kwacfeacng ke puhsisacl in ma sefanna yurin Pahpah Lucng ac Wen Nahtuhl, Jisus Kraist.
Ma Suhmuhslah ac Koano in Weacng
John 17:20–21; Ephesus 4:13; Doctrine and Covenants 38:27; reliefsociety.lds.org
© 2017 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/17. Ahkkweyeyucklac ke lweng: 6/17. Lwenglah luhn Visiting Teaching Message, July 2017. Kosraean. 97927 868