Jodikdik ro
Ke Eo Mōtta Ekar Mej
Rijeje eo ej jokwe ilo Utah, USA.
Ke ikar pād ilo kūlaaj 11 ilo high jikuuļ, eo m̧ōtta ekar wōr an nan̄inmej in kōmālij im raan eo tok juon ekar mej. Men̄e ikar juon membōr in Kabun̄ in, ikar kakkōt wōt. Ikar ekkatak ilo aolepān mour eo aō bwe imaron̄ oktakļo̧k n̄an Jemedwōj Ilan̄ im Rilo̧mo̧o̧r eo kōn jabdewōt men, ak ijjan̄in kar jelm̧ae wāween in kar m̧okta.
Ikar jan̄ elōn̄ awa ko, kajjieon̄ pukōt juon men—jabdewōt men—n̄an kaenōm̧m̧an eō. Bon̄ōn̄ eo ālkin an kar mej, ikar oktakļo̧k n̄an bok in al eo. Ke ij ālōk peij ko, ikar bōjrak ilo “Abide with Me; ‘Tis Eventide” (Hymn, no. 165). Eoon jilu ekar em̧m̧an ippa:
Pād ippa; “Mae ejem̧ļo̧k rainin,
Im bon̄ōn̄ in inaaj make iaaō
Eļan̄n̄e ijjab maron̄ bwebwenato Ippām̧,
Barāinwōt loe meram ilo kwe.
Marok jilōn̄lōn̄ eo an laļ in, ij mijake,
Pād ilo kapijuknen eo aō.
O Rilo̧mo̧o̧r, pād ippa ilo bon̄ōn̄ in;
Lo, m̧ae ejem̧ļo̧k rainin.
Eoon in ekar letok n̄an eō eļap aenōm̧m̧an. Innām, ijeļā bwe ejjab n̄an an Rilo̧mo̧o̧r eo pād ippa bon̄ōn̄ in ak Ebarāinwōt jeļā ewi wāween aō en̄jake. Ijeļā bwe iakwe eo ikar en̄jake jān al in ekar jab letok wōt n̄an n̄a kajoor ilo bon̄ōn̄ eo bōtaab ekar kōkajoorļo̧k eō jān elōn̄ mālijjon̄ ko ikar jelm̧ai.