Feiā ’Āpī
I te pohera’a tō’u hoa
Tē ora nei te ta’ata pāpa’i i Utah, i Marite.
I roto i tō’u matahiti taure’a i te fare ha’api’ira’a tuarua, ’ua ro’ohia tō’u hoa i te ma’i araterememu (anévrisme) ’e ’ua pohe i te mahana i muri iho. Noa atu ā e melo vau nō te ’Ēkālesia, ’ua tāfifi au. ’Ua ha’api’ihia vau i roto i tō’u orara’a tā’āto’a ē e ti’a iā’u ’ia fāriu i te Metua i te Ao ra ’e i te Fa’aora nō te mau mea ato’a, ’aita rā vau i ro’ohia i terā huru ’ohipa nā mua a’e.
’Ua ta’i au e rave rahi hora, ma te tāmata e ’imi i te tahi ’ohipa—te huru te ’ohipa—nō te hōro’a mai iā’u te hau. Te pō i muri a’e i tōna pohera’a, ’ua tai’o vau i roto i te buka hīmene. ’A huri noa ai au i te mau ’api, ’ua ma’iri au i ni’a « ’Ei Iā’u Nei, e te Fatu », (Te mau hīmene, n°91). ’Ua fa’auru te ’īrava toru iā’u :
’Ei iā’u nei, e te Fatu,
E pōiri te pō
’Ia ’ore e ti’a iā’u,
’Ia ’āparau ia ’oe.
Nō ’oe ra e riro ai,
Te pōiri ’ei ao :
’Ei iā’u nei, e te Fatu,
Terā mai nei te pō !
’Ua fa’a’ī teie ’īrava iā’u i te hau rahi. I ’ite na vau ē ’aita te Fatu i pārahi noa mai ’iā’u ra i te reira pō, ’ua ’ite mau ato’a rā ’oia ē e aha tō’u horuhoru. ’Ua ’ite au ē te here tā’u i fāri’i nā roto i te hīmene, ’aita i ha’amaita’i noa iā’u i te reira pō, ’ua arata’i ato’a rā iā’u nā roto i te tahi atu mau tāmatara’a tā’u i fa’aruru.