iTabagone

Na Reki ni Dua na Tisaipeli i Jisu Karisito

O sa bau lakocuruma e dua na siga dredre? Na cava o a cakava mo marautaka? E kila tu o Peresitedi Uchtdorf na veika oqori “e tu na noda gauna ni vakamosiyalo, na noda gauna ni druka, kei na rarawa. E rawa ni da vakila ena so na gauna na yalolailai kei na kidroa.”

Na nona iwali ni leqa sai koya me da “bulataka na bula vakatisaipeli”: “yalodina tiko ga ka toso tiko ga ena vakabauta.” Ni da toso tiko ga ena vakabauta, eda na rawa ni nuitaka na Kalou, muria Nona ivunau, ka qaravi ira na tani—ka vakila na reki ena veika kece oqori! Me vaka ga a kaya o Peresitedi Uchtdorf, “O ira era bulataka na bula vakatisaipeli … sai ira oqo era vakayaco veisau tiko ena caka vinaka lalai.”

Navuca mo cakava e dua na ituvatuva ni sala mo rawa kina ni bulataka na bula vakatisaipeli. Me vakaoqo, e rawa ni o vola e dua na vakasama ni veiqaravi me vaka na “Vukea na noqu itubutubu me vakarautaka na vakayakavi” se e dua na vakasama mo muria na ivunau me vaka na “Masulaka me rawa ni o dau vosoti ira vakadede na tacimu.” Na gauna ka tarava o vakila kina na cudru kei na kidroa, taura mai nomu ituvatuva, digia e dua na vakasama e tiko kina, qai tovolea mo cakava!