Kairake

Kukurei n riki bwa ana reirei Iesu Kristo

E a tia n nakobuaka am bong? Tera ae ko karaoia ni katamaroa am bong? Beretitenti Uchtdorf e ataia bwa “ti bane n iai marakin uruakin nanora, rawawatara, raraomara. Ti bon kona naba n namakina te bwarannano n taai ake ti taonaki iai.

Katokan aei iroum bon maiuakinan are e aranna bwa “te maiu n riki bwa ana reirei”: “teimatoa ni kakaonimaki ao teimatoa ni waaki nako inanon te onimaki.” Ngkana ti waaki nako inanon te onimaki, ti na kona n onimakina te Atua, kawakin Ana tua, ao ni beku ibukiia tabeman—ao n namakina te kukurei inanona ni kabane! Ngke e taekinna Beretitenti Uchtdorf, “Naake a maiuakina maiuia ana reirei … bon naake aia mwakuri aika uarereke a kona ni karika te bitaki ae bubura.”

Iangoa karaoan rinan ni kawai ake ko kona ni maiuakina iai maiun ana reirei. Te katooto, ko kona ni korea te iango ibukin te mwakuri ni ibuobuoki n aron “Buokiia am karo ni katauraoa te katairiki” ke te iango ni kawakina ana tua n aron “Tataro ibukin te taotaonakinnano irouia tariu ma mwaneu.” Te tai are I namakina iai te un ke te kua, kaotinakoa am rinan, rinea te iango teuana, ao kataia!