Rongorongo Man te Moan Beretitentii, Aokati 2017
Maiun Ana Reirei
Tenibwi te ririki n nako i Ghana, ataein te reirei ae te kairake ae arana Doe ai tibwa ana moan tai n rinnako n ana autinibootaki te LDS. E kaoaki Doe iroun raraona bwa e na nako ma ngaia, ao Doe e kan ataia bwa aekakira te Ekaretia.
Aomata ikekei a rang akoi ao n tangira ao akea te bwai ae e kona ma bon tii te mimi, “Te aekaki n aro tera te aro aei?”
Doe e rang namakina te kukurei ngaia are e a baireia bwa e na reiakina riki taekan te Ekaretia ao ana aomata, ake a kaonaki n te kukurei ae bati. Ma n te tai are e a waaki nako iai neienne, ana utu ao raraona nako a tabe ni kaitara n taabo nako ake e kaitibo iai. A taekini bwaai aika aki raraoi ibukin te Ekaretia ao a karaoi bwaai ni kabane ake a kona n totokoa neienne.
Ma Doe e a tia ni karekea ana koaua.
Iai ana onimaki, ao e tangira te euangkerio, are e kaonaki iai maiuna n te kukurei. Ai ngaia are, e a bwabetitoaki.
Imwiin anne, e a kabanea ana tai ni kamatebwai ao n tataro. E aki mamatam ao e ukoukora ana wirikiriki te Tamnei ae Raoiroi inanon maiuna. N tokina, ana koaua Doe ao ana onimaki e a matoatoa man nene. N tokina e baireia bwa e na nako ni mitinare n te tai ae bwanin ibukin te Uea.
Imwiin okina man ana mition, e kaitibo ao e iein ma te mitinare ae tia ni bwanin ana tai —bon teuare e bwabetitoia n ririki ake mai imwaina—ao a kabaeaki imwiina n te Tembora i Johannesburg Aberika Maiaki.
Imwiin ririki aika a mwaiti ngke e moan rinanon te kukurei Doe Kaku n ana euangkerio Iesu Kristo. N te tai anne, e rang nanakoraoi maiun iai neiei. E a tia n teimatoa n tibwa uruakin nanona ao bwaran nanona, ibukin buan natina aika uoman—rawawata are e rinanona e teimatoa n namakina rawawatana inanona.
Ma neiei ma buuna, Anthony, a kataia ni kakorakoraia i bon irouia ao ni kaniia nakon Tamaia are i Karawa, are a tangiria ma nanoia ni kabane.
N te bong aei, 30 te ririki imwiin bwabetitoan neiei, Titita Kaku e a tia ni manga kabanea ana mition ae bwanin taina—n te tai aei irarikin kainnabana, are e a beretitenti i Nigeria.
Naake a kina Titita Kaku a taekinna bwa iai te bwai ae onoti iroun neiei. E ota moana. E kaangaanga ae ko na kabanea am tai ma ngaia n aki namakina te kukurei.
E matoa ana koaua: “I ataia bwa te Tia Kamaiu e noorai bwa Natina ao raraona (tara Motiaea 5:7; Ita 3:14),” e taku. “Ao I reiakinna ao ni kataia ni kakorakorai n riki bwa raraona naba—tiaki ti n te bwai ae I taekinna ma n te bwai naba ae I karaoia.”
Ngaira bon Ana Reirei
Ana karaki Titita Kaku bon aekakin naba aia karaki tabeman aika mwaiti. Iai nanona ni kan ataa te koaua, e rinanon bwaai ni kabane ni karekea otan tamneina, e kaota ana tangira ibukin te Atua ao raoraona, ao inanon kawaina ngke e rinanon te kaangaanga ao te rawawata.
Ma e ngae ngke e rinanon kakaitara, n rinanon rawawata, e waaki nako ma te onimaki. Ao ae bon kakaawaki, e kawakina kukureina. Neiei e kunea te kawai tiaki ti n teimatoa inanon te kaangaanga n te maiu ma ni kona ni kaitarai!
Ana rongorongo neiei bon titebo ma are iroum ao irou.
E burenibwai mwanangara ae namoraoi n akea te kaangaanga.
Ti uaia ni karekea te maraki n nano, te bwarannano, ao te rawawata.
Ti kona naba n namakina te bwarannano n taai ake ti taonaki iai.
Ma naake a maiuakina maiuia ana reirei—ake a teimatoa ni kakaonimaki ao ni waaki nako ma te onimaki, ake a onimakina te Atua ao ni kawakin Ana tua;1 ake a maiuakina te euangkerio n te bong koraki ao aoa nako; ake a beku n ai aron Kristo nakoia kaain rarikiia, teuana te mwakuri ae tamaroa n te taina—bon aia mwakuri aika uarereke a riki bwa bwaai aika bubura ni karika te bitaki.
Irouia naake a akoi teutana, kakabwarabure riki, ao ni kona n nanoanga bon taan nanoanga ake a na nanoangaaki.2 Naake a katamaroa riki te aonaaba aei, teuana te nabenabe ao te mwakuri n akoi n te taina, ao ni kataia ni kakabwaiaki, karaunano, ni maiuakina maiuia ana reirei Iesu Kristo ae rau bon naake a na kunea te kukurei n tokin te tai.
A na ataia bwa “bon ana tangira te Atua, are tibwatibwaia nako nanoia natin te aomata n taabo nako … bon ngaia te bwai ae moamoa tangirana nakon tangiran bwaai ni kabane ao moan baan te kakukurei nakon te tamnei.”3
© 2017 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/17. Kariaiakaki rairana: 6/17. Rairan te First Presidency Message, August 2017. Kiribati. 97928 859