ຊາວໜຸ່ມ
ຄວາມສຸກໃນການເປັນສານຸສິດຂອງພຣະເຢຊູຄຣິດ
ທ່ານເຄີຍມີມື້ທີ່ບໍ່ດີບໍ? ທ່ານໄດ້ເຮັດສິ່ງໃດເພື່ອຈະໄດ້ຊື່ນບານຂຶ້ນ? ປະທານອຸກດອບຮູ້ວ່າ “ເຮົາແຕ່ລະຄົນຈະມີຄວາມເຈັບປວດໃຈ, ມີຄວາມຜິດຫວັງ, ມີຄວາມໂສກເສົ້າ. ເຮົາອາດຮູ້ສຶກແມ່ນແຕ່ທໍ້ຖອຍໃຈ ແລະ ໜັກໃຈເປັນບາງຄັ້ງ.”
ວິທີການແກ້ບັນຫາຂອງເພິ່ນຄື ການດຳລົງຊີວິດຕາມທີ່ເພິ່ນເອີ້ນວ່າ “ຊີວິດຂອງສານຸສິດ”: “ຊື່ສັດ ແລະ ເດີນໜ້າຕໍ່ໄປດ້ວຍສັດທາ.” ເມື່ອເຮົາດຳເນີນໄປໜ້າດ້ວຍສັດທາ, ເຮົາຈະສາມາດໄວ້ວາງໃຈໃນພຣະເຈົ້າ, ຮັກສາພຣະບັນຍັດຂອງພຣະອົງ, ແລະ ຮັບໃຊ້ຄົນອື່ນ—ແລະ ຮູ້ສຶກເຖິງຄວາມສຸກໃນການເຮັດທັງໝົດເຫລົ່ານັ້ນ! ດັ່ງທີ່ປະທານອຸກດອບໄດ້ກ່າວວ່າ, “ບຸກຄົນທີ່ດຳລົງຊີວິດຕາມວິທີການເປັນສານຸສິດ … ເປັນບຸກຄົນທີ່ ການກະທຳອັນເລັກນ້ອຍ ໄດ້ສ້າງຄວາມແຕກຕ່າງອັນໃຫຍ່ຫລວງ.
ໃຫ້ເຮັດລາຍການ ບອກເຖິງວິທີທີ່ທ່ານສາມາດດຳລົງຊີວິດ ຕາມວິທີການເປັນສານຸສິດ. ຍົກຕົວຢ່າງ, ທ່ານສາມາດຂຽນ ແນວຄິດກ່ຽວກັບ ການຮັບໃຊ້ ເຊັ່ນ “ຊ່ວຍພໍ່ແມ່ຕຽມອາຫານຄ່ຳ” ຫລື ແນວຄິດກ່ຽວກັບການຮັກສາພຣະບັນຍັດ ເຊັ່ນ “ການອະທິຖານຂໍໃຫ້ມີຄວາມອົດທົນກັບອ້າຍເອື້ອຍນ້ອງຂອງເຮົາ.” ເມື່ອໃດທີ່ທ່ານຮູ້ສຶກໃຈຮ້າຍ ຫລື ໜັກໃຈ, ໃຫ້ດຶງເອົາໃບລາຍການອອກມາ, ເລືອກເອົາ ແນວຄິດໜຶ່ງ, ແລະ ພະຍາຍາມເຮັດມັນໃຫ້ໄດ້!