Fal’ Yangren

Falfalan’ ni gara mang pi Gachalpen Yesus Kristus

Bay rebe rran ni ke kireb wa’atham? Mang e n’en ni mu rin’ maga falfalan’? President Uchtdorf e manang ni “ra bagadad ma bay e pi amith u gumircha’en, pi kireban rodad, pi daliban’. Ma kubay e n’en taganan’ dad ma ku bay yu ngiyal ni kad tomal gad.”

Ma ‘en ni be yoeg ni ngan rin’ e ke yoeg e “yafas ko pi gachalpen”: “ngam par ni gab yul’yul’ ma gabe yan nga m’on u fithik e mich.” Napan ni gadad ra yan nga m’on u fithik e mich, ma aram e ke pagan’ dad ngak Got, fol ko pi motochiel rok, mag ayuweg boch e girdii maga—thamiy e falfalan’ ni gubin ngiyal! Ni boed rogon ni ke yoeg President Uchtdorf, “Pi’in ni yad be par ni boed e pi gachalpen … a pi cha’ ni ngongol roradd nib achig e ire be fal’eg banen ni ba gaa’.”

Mu lemnag ni ngam fal’eg ba babyor u rogon ni ngam par ni boed rogon e pi gachalpen. Ni boed rogon ni, ngam yoloey e murwel ni boed e “Ayuweg e labthir ni ngan fal’eg e dinner” fa rebe rogon ni ngam fol ko motochiel ni “Meibil ni nge gel e guman’ rog ko pi walageg.” Ere yan ni migid ni ke kankanan’um fa kam tomal, mu giringiy fare babyor, mu guy e bin ni ngam rin’, nge mu’ mag gay rogon!