Mulwol ni Ngan Fil ni Ngan Nang, August 2017
Par ko Yafas ni kan pii’
Meybil mag bi’eg fapi babyor mag pir’eg e tin ngam weliy. Uw rogon ni ngan nang fan e Relief Society me ayuweg pi fak Got nib ppin ko fapi tawa’ath ni fan ko yafos ni manemus?
Mich Tabinaew Ayuw
“Ngani consecrate e boed ni ngan ki’eg fa kan pii ngom banen ni ba t’uf, kan pii’ ni fan ko tin nib thothup banen,” ni yoeg Elder D. Todd Christofferson ko fare Quorum ko fare Ragaag nge La’agruw I Apostles. Ngari mug’ul ko biney e yafas e ireram e tin ni kani tay nga bayang—e yafs rodad ni arame, time rodad nge pi n’en—ni gadad be duguliy ni fan ngak Got.”1
Elder Neal A. Maxwell (1926–2004) ko fare Quorum ko fare Ragaag nge La’agruw i Apostles e ga’ar, “Gadad ra lemnag ni kan pii’ ngodad ni bochan e ngan sag’al, ma yibe yal’uweg, e pi talen. Machane bin kan pii’ e gabe fekem I yan ngak Got.”2
Napan ni kan pii’ed gadad ni fan ngak Got, ma pi mich rodad ngak Yesus Kristus nge pi michmich rok era mon’og. Napan ni gadad ra par ko yafas ni kan yibiliy, ma rayog ni ngad pired ni gadad ba thothup u fithik e ngongol rom.
Carole M. Stephens, First Counselor ko Relief Society Presidency, e ga’ar: “Elder Robert D. Hales e ke fil ngodad ni, ‘Napan ni gadad ra fal’eg ma gadad kol folan, ma aram e gadad be yan nga wuru’ e fayleng ma gadad be yan nga kingdom rok Got.’
“Kad thil gad. Ke thil ya’an dad, ma kub thil e ngongol rodad. Pi nen ni gadad ma rung’ag ne tin ni gadad ma bi’eg nge tin ni gadad ma yoeg e ba thil, nge tin ni gadad ma fanay e ba thil ya bochan e kad manged e bitir rok Got ni ppin ni kad uned ngak ko pi michmich rok.”3
Yibiliy e ba mich ni ke fal’eg Got “u lane naun rok Israel; Tomuren e tinem e rran, ni yoeg Samol, ma bay gu tay e motochiel rog nga fithik rad, mugu yoloey nga lan gumircha’en rad; ma nge mang Got rorad, ma ngar manged girdii’ rog” (Jeremiah 31:33). Par ni kan yibiliy e yafas rom e ba falfalan’ ni bogi tanam rok Got ngodad.
Boech e Pithin nib Thothup
© 2017 rok Intellectual Reserve, Inc. All rights reserved. Kan yoloey u Mariken. Kan micheg nag ko thin nu Ngalis: 6/17. Micheg nag i pilyeg: 6/17. Pilyeg thin ko Visiting Teaching Message, August 2017. Yapese. 97928 905