Kairake
Ti karabwako te Atua, Ibukin am Burabeti.
E kanga ara burabeti, Beretitenti Thomas S. Monson, ni karekea te bitaki nakoim? Tera ae ko ururinga riki mairouna? Iangoia ni koroia n am tieno rongorongon Beretitenti Monson ao maiuna—mwaitin are e kabwarabwara n ana rongorongo aei are e reke mai irouia burabeti n tatabemaniia nako ake e uringii.
Ko kona naba n rinea ana taeka are ko tatangiria mai irouna ao ni koreia n te tabo are ko na kona n nonoria, n aron iaon am bwaera n reirei ke bwaai aika a na taraaki n am ruu. Ko bon kona ni karaoa tamnein te taetae ao ni karaoia bwa e na oti n te baekuraun iaon am tareboon! Ni katoatai are ko noora te kuote, ko kona n uringa kakaawakin te burabeti ae maiu ao n uringnga bwa e mena ikai n tangiriira ao ni kairiira n te bong aei.