Te Rongorongo ibukin te Reirei ni Kakawari, Tebetembwa 2017
Man te Nano Teuana
Tataromwaaka ni kamatebwaia te bwai n reirei aei ao n ukoria bwa ko aonga n ataia bwa tera ae ko na tibwaia. E kanga ataakin oin bukin te bootaki n aine ni katauraoiia natin te Atua aine ibukin kakabwaia n te maiu ae akea tokina?
Onimaki Utu Buoka
“E na arania ana aomata te Atua bwa Tion, ibukina bwa ti teuana nanoia ao ti teuana aia iango ao ni maeka inanon te raoiroi, ao akea ae e kainnano mai ibuakoia.” (Moses 7:18). Tina kanga ni katiteuanaaki?
Unimwaane M. Russell Ballard man te Kooram n Abotoro n te Tengaun ma Uoman e taku: “man buroon te taeka n Ingiriti mwakuri ni kamaiu bon te taeka ae ti teuana. Ngkana a bane n ata aio aomata nako, a na bon akea temanna ae e na aki kaineti nakoina, n ana ririki, reeti, mwaine, aro, ke arona n reitaki ke n arona ni maiu. Ti na kataia ni katotonga te Tia Kamaiu ao n aki riibuaka, kakaokoroaki, n aki karinerine, ke n aki tabe ma aia namakin tabeman.”1
Beretitenti Henry B. Eyring, Moan Kauntira n te Moan Beretitentii, e reirei: “Ngkana iai [te] Tamnei irouia, [a] kona ni kantaninga te rau. … Tamnein te Atua e aki kakiriweei nanoia aomata bwa a na un (tara 3 Nibwaai 11:29). … E karekea te rau inanoia aomata ao te namakin n reitaki ma tabeman.”2
N taekinan te kanganga n te utu, Carole M. Stephens, are e riki ngaia bwa te Moan Kauntira n te Bootaki n Aine, are e taku: “N na bon aki kona ni maeka inanon te raure, te maraki ao te aki rau are e roko man te kiitanaki, ke te tibwanga are e irekereke ma te tina ae akea buuna. I tuai ni kaitibo ma maten te ataei, aki kakariki, ke te kaibwabwaru ni mwaine. I tuai n rinanon te bwainikiriinaki, te aoraki ae reitinako, ke te anua ae kareke. Aikai a tuai n riki bwa au kaangaanga.
“… Ma rinanon au kataaki ao kakaewenako … I a tia n taneiai ma Temanna are e ota ni bwaai nako. … Ao n reitia, I a tia n rinanon bwaai ni kabane n te kataaki n rabwata are I a tia n taekinna rinanon ana ne te nati aine, tina, tibu aine, titita, ai te tina, ao te rao.
“Tibwangara n te berita-kawakinaia natin te Atua aika aine bon tiaki ti n reiakianaki man ara kaangaanga, bon te katiteuanaaki inanon te nanoanga ao te tangira ngkai ti boutokaia tabeman n ana utu te Atua inanon aia kaangaanga.”3
Rakan Booki aika Tabu ao Rongorongo
Ioane 17:20–23; I-Ebeto 4:15; Motiaea 18:21–22; 4 Nibwaai 1:15
© 2017 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki n te USA. Kariaiakaki n te Ingiriti: 6/17. Kariaiakaki rairana: 6/17. Rairan te Visiting Teaching Message, September 2017. Kiribati. 97929 859