Lamharon
Salamat, O Dios, sa Manalagna
Paano ang aton propeta, nga si Pangulong Thomas S. Monson, nag-impluwensya sa inyo? Ano ang madumduman nyo gid parte sa iya? Hunahunaa ang pagsulat sa inyo journal parte kay Pangulong Monson kag sa iya kabuhi—pareho nga ginalaragway niya sa sining mensahe ang impluwensya sang tagsa ka propeta nga iya madumduman.
Basi luyag man ninyo magpili sang isa ka paborito nga dinalan halin sa iya kag isulat ini kon sa diin makita ninyo ini pirme, pareho abi sa isa ka folder sa eskwelahan ukon bilang isa ka mensahe sa inyo kwarto. Pwede man kamo maghimo sang isa ka larawan-nga-may dinalan halin sini kag himuon ini nga background sang inyo telepono. Sa tagsa ka tion nga makita ninyo ang dinalan, mahimo ninyo panumdumon ang kaimportante sang isa ka buhi nga propeta kag tandaan nga ari sia diri agud magpalangga kag maggiya sa aton sa karon.