Agtutubo

Agyamankami, O Dios, iti Propeta

Kasano nga inimpluensiaannakayo ti propetatayo a ni President Thomas S. Monson? Ania ti kangrunaan a malagipmo maipapan kenkuana? Isuratyo iti journalyo maipapan ken Presidente Monson ken ti biagna—iti adu kas iti panangiladawanna itoy a mensahe ti impluensia ti tunggal propeta a nalagipna.

Mabalinyo met ti pumili iti paggugusto nga adaw wenno quote manipud kenkuana ket isuratyo daytoy iti lugar a masansan a makitayo, kas iti school binder wenno iti siledyo. Mabalinyo pay ti agaramid iti picture quote ket aramidenyo a background ti selfonyo! Tunggal makitayo ti quote, mapanunotyo ti kinapateg ti sibibiag a propeta ken laglagipenyo nga adda isuna ditoy tapno ayaten ken tarabayennatayo.