Feiā ’āpī
Māuruuru mātou, e te Atua
Nāhea tō tātou peropheta, te peresideni Thomas S. Monson, fa’aitoitora’a ia ’outou ? E aha tā ’outou ha’amana’ora’a rahi nōna ? ’A ’ōpua i te pāpa’i i roto i tā ’outou buka ’ā’amu nō ni’a i te peresideni Monson ’e tōna orara’a—mai tāna ato’a i fa’ata’a mai i roto i teie parau poro’i te fa’aurura’a a te peropheta tāta’itahi tāna i ha’amana’o.
E nehenehe ato’a ’outou e mā’iti i te fa’ahitira’a au-roa-hia nō roto mai iāna ’e ’ia pāpa’i i te reira i te vāhi e ’ite pinepine ai ’outou i te reira, mai te hō’ē vaira’a parau ha’api’ira’a ’aore rā hō’ē parau i roto i tō ’outou piha. E nehenehe ato’a ’outou e rave i te hō’ē fa’ahitira’a hōho’a ’e ’ia hāmani i te hō’ē ’āuaha’atira’a i ni’a i tā ’outou niuniu paraparau ! I te taime ’a ’ite ai ’outou i te fa’ahitira’a, ’ia feruri ’outou i te faufa’a rahi o te hō’ē peropheta ora ’e ’ia ha’amana’o ’outou ē tei ’ō nei ’oia nō te here ’e nō te arata’i ia tātou i teie mahana.