Agtutubo

Pananglaglagip iti Apo iti Inaldaw

Gagayyem, trabaho, aramid iti balay, TV—adu pay a banag a mangkiddaw iti imatangtayo. Ngem iti tunggal lawas, ikaritayo iti Nailangitan nga Ama “a kanayon a laglagipentayo ti [Anakna, ni Jesucristo]” (DkK 20:79).

Kuna ni Presidente Eyring a mabalintayo ti “agaramid kadagiti pili iti inaldaw” a makatulong kadatayo a manglaglagip iti Mangisalakan. Agaramid iti panggep a tun-oyen iti daytoy a bulan a manglaglagip nga ad-adda pay iti Mangisalakan iti inaldaw. Mabalinyo ti agaramid iti kalendario ket ikumityo ti maysa a banag iti tunggal aldaw a mangbuangay iti relasionyo Kenkuana. Ilista ni Presidente Eyring dagiti banag kas iti panagbasa kadagiti nasantuan a kasuratan, panagkararag a sipapammati, ken panagserbi iti Mangisalakan ken iti dadduma. Mainayon pay ti panagsurat iti journal, idadar-ay kadagiti miting iti Simbaan, idedengngeg iti sapasap a komperensia, ipapan iti templo, panagkanta kadagiti himno—ken dadduma pay! No inaldaw a laglagipentayo ti Mangisalakan, ikari ni Presidente Eyring a “dagiti bendision … dumtengto nga in-inut ken agtultuloy … [ken] mangubogto kadatayo nga agbalin a napupudno a disipulo ni Apo Jesucristo.”