Ngeasek

Melbedebek er a Rubak er a Bek el Sils

Resechelid, urered er a blai, subeled er a skuul, me a TV—ng kmal betok a tekoi el mengesang er kid. E ng di bek el sandei, e kede yaksok er a Chedam er a Babeluades “el kmo [kede] mo blechoel melbedebek er a [Ngelekel, el Jesus Kristo]” (D&C 20:79).

A President Eyring a melekoi el kmo ng sebeched el “melilt a teletael er a bek el sils” el ngii a ngosukid el mo melbedebek er a Osobel. Molatk el mo kudmeklii a moktek er kau er chelechal buil el mo melbedebek er a Osobel er a bek el sils. Ng sebechem el rulii a kalender e tibir er a rengum el mo meruul er a chimol tekoi er a bek el sils el ngii a mo toketekii a deleuill er kau me a Ngii. A President Eyring a mildukl a tkeoi el uaia omengiuel chedaol llechukl, nglunguuch loba klaumerang, e mesiou er a Osobel lokiu omesiunged el mo er a rebebil. Ng dirrek el ngarngii omelchesel a journal, mo ngara ikel mitelengel a Ikelesia, orrenges a cheldecheduch er a klou el ongdibel, mo er a templo, mengitakl a chelitakl er a ikelesia—me a lmuut el bebil! Me sel dolbedebek er a Osobel er a bek el sils, e a President Eyring a yaksok el kmo “a klengeltengat a mo … mekekokil mei … e [mo] sumecheklid el mo meral oltirakl er a Rubak el Jesus Kristo.”