Klumech er a Oldingel e Olsisechakl, Ongeteruich el Buil 2017
Oubeltik el reng el mo er Tirkel mla Touchakl
Mosuub er tial suobel lokiu a nglunguuch e mosiik el mo medengelii a bo mobang lolisechakl. Ng mekera sel klemedengei er a moktek er a Relief Society e kudmekelterir a rengelekel a Dios el redil el kirel a klengeltengat er a diak a ulebengelel klengar?
Klaumerang Telungalek Ngesou
“A mera er ngii ng diak a cherrungel el telungalek … ,” ng millekoi a President Dieter F. Uchtdorf, Ongerung el Counselor er a First Presidency. “Ngii di el mondai er a telungalek el kau a ngara chelsel, me a ngii di el ngera el moruul el mo mesmechokl, e sel uchelel me a ulebengelel a mo nger er a mondai a beltik el reng, bliochel el beltik el reng er a Kristo.”1
Tirkel tir a mui el mesiou er a chelsel ebangkelio, e a Linda K. Burton, el ngii a mle Merredel er a Cheldellel a Relief Society, a millekoi el k mo: “A Chedam er a Babeluades a betik a rengul er a rokui el Ngelekel. … Ng diak el iior er a kmo—te ngara melemalt el rael malechub e te mla touchakl— Ngii a soal a luut el mo remei.”2
“Me a lsal kmal mla mo mekngit a[ rengelekiu] , … e sel mongedecheduch er tir, e lak moba ngasechereng, malechub a ngerroel, malechub a molekoi a kngterir,” ng ulisechakl a President Joseph F. Smith (1838–1918). “Bo mungil mengedecheduch er tir.”3
A Elder Brent H. Nielson er a Rokeuid a silsichii a tekingel Osobel el mo er tirkel mlarngii a tacher el ududir el silver e ng remiid a chimong: “Mosiik el dimerekmo betik er ngii. Alsekum e ngike el mla remiid a ngelekem el sechal malechub e ng redil, ochellem malechub e ng ochedam, … e a rokui el tekoi el doruul, e ng kired el melemolem loubeltik el reng el mo er ngika el chad loba rokir el rengud. …
“Me ng ongtik me kau me a ngak bo dengai ocholt el mo medengei el kmo kede mekerang e ngosuterir tirkel tir a mla remiid, e bo dobang, a kllou el reng me a beltik el reng er a Chedam er a Babeluades me a Ngelekel el Jesus Kristo, sel doubeltik el reng, e domes, e dongiil er a luut er ngike el mla remiid.”4
A President Henry B. Eyring, el Kot el Counselor First Presidency, a millekoi el kmo: “A kmal mla ngara nglunguuch lultuil er a klaumerang me a kmo ng techang el betik er a renguk bo losiik e lolchesuar a klisichel a Tngakireng. Ak mla ngara nglunguuch me a rechad el uaia le anghel bo lengesuterir, e mlo uaisei.
“A Dios a mla kudmeklii a teletael el mo olsobel er a dersta me a dersta el Ngelekel.”5
Lmuut el bebil er a Chedaol llechukl me a Omesodel
© 2017 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/17. Kengei er a oidel: 6/17. Oidel a Visiting Teaching Message, October 2017. Palauan. 97930 881