Dagiti Pannursuro para iti Panawentayo

Manipud iti Nobiembre 2017 agingga iti Abril 2018, dagiti adalen iti Melchizedek Priesthood ken Relief Society kadagiti maikapat a Domingo ket naisagana manipud iti maysa wenno ad-adu pay a bitla a naited iti sapasap a komperensia ti Oktubre 2017. Iti Oktubre 2018, mabalin a mapili dagiti bitla manipud iti sapasap a komperensia ti Abril wenno Oktubre. Pilien dagiti stake wenno district president no ania dagiti mensahe nga usarento kadagiti lugarda, wenno mabalinda nga idutok daytoy a pagrebbengan kadagiti bishop ken branch president.

Sidadaan a magun-od dagitoy a bitla iti adu a lengguahe iti conference.lds.org.