Yut

Tekem Desisen blong Sakem Sin.

Presiden Monson i eksplenem se “hem i responsabiliti blong yumi blong girap long fasin blong mekem wok hafhaf i go long fasin blong mekem wok i gud moa, long fasin blong mekem wok i no stret i go long fasin blong mekem wok i stret,” “Hem i wok blong yumi, blong yumi kam gud moa. Fulap man oli putum Jenuware blong mekem ol gol mo mekem ol desisen blong save kam antap: blong smael moa, kakae ol gudfala kaekae, o blong lanem wan niu skil. Taem ol gol ia oli help blong jenisim yu blong kam gud moa, bes wei blong jenis hem i tru long fasin blong sakem sin.

Fasin blong sakem sin bae i had, be !hem i wan presen! Taem yumi dipen long Jisas Kraes, taem yumi sakem ol sin blong yumi, yumi save gro mo kam antap. Presiden Monson i talem, “Wan we i nid blong stap insaed long plan ia [blong fasin blong sevem man] hem i Sevya blong yumi, Jisas Kraes. Sapos i no gat sakrifaes blong Hem we i pem praes, evri samting bae i lus.” Tru long fasin blong sakem sin, yu save kam klin long ol sin blong yu mo blong kam antap mo kam moa olsem Hem.

Tingting long wan samting we i save stopem yu blong kam olsem Sevya. ?Hem i lanwis blong yu? ?Olsem wanem nao yu tritim ol fren mo famli blong yu? Afta we yu tingting long wanem yu save mekem blong kam antap, prea long Papa long Heven mo talem hamas nao yu wantem jenis. Tingabaot se tru long paoa blong Atonmen blong Hem, Jisas Kraes i save helpem yu blong winim ol wiknes blong yu Olsem Presiden Monson i tijim, “Presen ia we i fasin blong sakem sin, we Sevya i givim, i save mekem yumi stretem ol rod blong yumi.”