Visiting Tijing Prinsipol, Jenuware 2018

Kontaktem hem Eni Taem, Eni Ples, Eni Wei

Visiting tijing hem i blong givim seves. Jisas i givim seves eni taem mo long eni ples. Yumi save mekem sem samting.

Blong “givim seves” hem i blong givhan, kea, o ol help we i save givim kamfot o mekem wan i glad. Visiting tijing hem i blong faenem ol wei blong givim seves long olgeta we yumi visitim. Jisas Kraes i givim seves long evriwan— long eni taem mo eni ples. Hem i fidim 5000 man, i givim kamfot long Meri mo Mata taem brata blong tufala i ded, mo i tijim gospel blong Hem long woman ia long wel. Hem i mekem ol samting ia from tru lav blong Hem.

Taem yumi folem ol eksampol blong hem, olsem ol visiting tija, yumi kam blong save mo lavem ol sista we yumi visitim, mo stap tingbaot se lav hem i fandesen blong evri samting we yumi stap mekem. Yumi prea from insperesen blong save olsem wanem blong save givim seves long sista ia mo help blong mekem fet blong hem i kam strong moa, ol enjel, oli no save stopem olgeta blong givim help long yumi.”¹

Taem we oli oganaesem Rilif Sosaeti long 1842 kasem tedei, ol wok blong ol woman oli blesem ol laef. Eksampol, Joan Johnson, wan wido we i gat 82 yia, mo visiting tijing kompanion blong hem, tufala i visitim mo tijim neiba blong tufala we i gat 89 yia mo i gat sik long lang blong hem. Tufala i luksave se neiba blong tufala i no nidim tufala wan taem nomo long wan manis, mekem se tufala i go visitim hem evri wik o tufala i ringim hem.

Long sam long ol visiting tija, blong sendem wan teks o imel blong givim ol gudfala kaonsel, mebi bae i wan long ol gudfala wei blong helpem wan sista long manis ia. Be blong go luk sista ia long haos blong hem mo blong lisin wetem fasin blong gat lav hem i stamba blong visiting tijing. Ol teknoloji blong naoia mo blong go visitim wan sista long haos blong hem, i helpem yumi blong mekem visit eni taem, eni ples mo long fulap narafala wei.² Hemia i seves olsem we Jisas i givim.

© 2018 i kam long Intellectual Reserve, Inc. Oli holem evri raet. Oli printim long YSA. Oli letem long Inglis lanwis: 6/17 Oli letem translesen: 6/17Translesen blong Visiting Teaching Principles, January 2018. Bislama.97929 852

Ol Not

1. Teachings of Presidents of the Church: Joseph Smith (2007), 454.

2. Luk long Handbook 2: Administering the Church (2010), 9.5.1.

Stap Givim Seves

Evri manis pej ia bae i no tekem wan spesel mesej, be bae givim ol defren kaen prinsipol blong helpem yumi blong givim seves moa gud. Taem yu prea mo askem insperesen, bae yu save mesej ia long saed blong spirit mo seves we ol sista i nidim.

Tingting long Hemia

?Olsem wanem nao bae yumi stop blong wari abaot “wanem nao bae mi mekem” blong mekem visiting tijing, be bae yu tingbaot se wanem nao ol sista oli nidim long ol visiting tija blong olgeta?