Agtutubo

Ikeddengyo ti Agbabawi

Ilawlawag ni Presidente Monson a “pagrebbengantayo ti dumur-as manipud iti kabaelan agingga iti paglaingan, manipud iti pannakapaay agingga iti panagballigi. Pagrebbengantayo ti agbalin a kasayaatan iti bagitayo.” Adu a tattao ti mangipokus iti Enero iti panangaramid kadagiti panggep a tun-oyen ken resolusion maipapan ti panagdur-as: mangan iti nasalsalun-at, wenno agsursuro iti baro a paglaingan. Nupay makatulong kadakayo para iti nasaysayaat dagitoy a panggep a tun-oyen, ti kasayaatan a wagas iti panagbalbaliw ket babaen ti panagbabawi.

Nupay narigat ti panagbabawi, sagut daytoy! No agpannuraytayo ken ni Jesucristo babaen ti panagbabawi iti basbasoltayo, kabaelantayo ti dumur-as ken agprogreso. Kinuna ni Presidente Monson, “Rumbeng iti plano [ti pannakaisalakan] ket ti mangisalakantayo, ni Jesukristo. No awan koma ti pangbayad-basol a sakripisiona, mapukaw ti amin.” Babaen ti panagbabawi mapadaluskayo kadagiti basbasolyo ken mapadur-askayo nga agbalin nga ad-adda pay a kas Kenkuana.

Mangpanunotkayo iti maysa a banag a mangyadayo kadakayo iti panagbalin a kas iti Mangisalakan. Ti kadi panagsasaoyo? No kasano ti panangtratoyo kadagiti gagayyem wenno pamiliayo? Kalpasan ti panangpanunotyo no ania ti mabalinyo a pasayaaten, agkararagkayo iti Nailangitan nga Ama ket yebkasyo ti tarigagayyo nga agbalbaliw. Laglagipen a babaen ti bileg ti Pannubbotna, matulongannakayo ni Jesucristo a mangparmek iti pagkapsutanyo. Kas iti insuro ni Presidente Monson, Ti sagut ti panagbabawi, nga impaay ti Mangisalakantayo ti mangpabael kadatayo a mangatur kadagiti turongentayo.”