Pratham Adhyakshta ka Sandesh, January 2018
Pashchataap ka Uphaar
Pradhaan Thomas S Monson ke Dwara
“Hamari zimmedaari hai kam chamta se paryaapt , nakaamyaabi se kaamyaabi ki or pragati karein” Pradhaan Thomas.S. Monson ne sikhlaaya. “Hamara kaarye hai khud se behtar banna. Parmeshwar ka ek sabse mahaan uphaar hamare liye hai ki koshish karte rahe, ki koi bhi asafalta antim nahi hota hai.”1
Hum aksar ek naya saal ka shuruaat karte hai sujhaao aur lakshyon se. Hum sujhaao karte hai sudharne ki, badalne ki, phir koshish karne ki. Shaayad sabse behtar tarika hum phir se koshish kar sakte hai Pradhaan Monson ke “pashchataap ka uphaar” ko apnane se.”2
Jabse Pradhaan Monson Girjaghar ka Pradhaan bane hai unke shikshanon ke diye gaye kuch bhaagon mein unhonne hamein salaah diya hai “Masih ke praeshchit ke lahoo ko aazmaao taaki hum apne paapon se maafi paaye, aur hamare hriday saaf ho sake.”3
Maafi ka Chamatkaar
“Hum sab ne galat chunaao kiye hai. Agar humne abhi tak in galat chunaavon ko sudhaara nahin hai, mai aapko ashuwaasan deta hoon ki aysa karne ka ek raasta hai. Us kaarye ko paschaataap kahate hain. Mai aapse niwedan karta hoon ki aap apne galtiyon ko sudhaare. Tumhe aur mujhe ashirwaad ka uphaar dene ke liye humare Uddhaarkarta ne mrityu ko jhela hai. Bhale hi raasta aasaan nahin hai, vaada sachcha hai: ‘Bhale hi tumhaare paap gulaabi rang ke ho, woh barf ki tarah safed ho jaaenge’ [Isaiah 1:18]. ‘Aur mai, Prabhu, unhein nahin yaad rakhta hoon’ [D&C 58:42]. Apna anant jiwan khatra mein na daale. Agar tumne paap kiya hai, jitni jaldi tum sudhaar laaoge, utni hi jaldi tum us mithe shaanti aur anand ko paaoge jo chamatkaar maafi se hota hai.”4
Maarg Par Laoto
“Bhale hi yeh avashyak hai ki hum budhimaani se chunein, kuch samay ayse hote hai jab hum murakh chunaao banaenge. Hamare Uddhaarkarta dwara diya gaya pashchataap ka uphaar, hamein maoka deta hai apne maarg mein badlaao laane mein, ki hum us maarg par laot sakein jiske zariye hum us celestial raajye tak pahunche jise hum dhoondhte hai.”5
Waapis Jaane ka Raasta
“Agar tumme se kisi ne is safar mein dhakka khaya hai, main kehta hoon ki waha waapis jaane ke liye raasta hai. Us kaarye ko paschaataap kahate hain. Bhale hi raasta mushkil hai, tumhara anant mukti us par nirbhar hai. Tumhare koshishon ke laayak aur kya ho sakta hai? Main tumse guzaarish karta hoon ki abhi aur yaha par faesla karo puri tarah se pashchataap karne ke liye. Jitna jald tum karoge, utna hi jald tum shanti aur santosh aur aaswaasan ko anubhao karoge jo Isaiah ne kaha tha [dekhiye Isaiah 1:18].”6
Insaan Badal Sakte Hain
Hame yah samjhna chahiye ki log badal sakte hai. Weh bure kaarye chod sakte hai. Weh apraadhon se chama pa sakte hai. Weh purohiti ko laayak se rakh sakte hai. Aur weh dil se Prabhu ki sewa kar sakte hai.”7
Phir se Saaf Hona
“Agar tumaar jiwan mein kuch galat hai, tumaar liye ek baahar nikle waala rasta bhi hai. Sab galat kaam band kar do. Apan bishop se baat karo. Jon koi bhi samasya rahe, uske sahi pashchataap se suljha sakte hai. Tum phir se saaf ho sakte ho.”8
Uddhaarkarta ka Khaas Bhumika
“Hamare Uddhaarkarta, Ishu Masih, [uddhaar ke] ke yojna ke liye khaas hai. Unke Praeshchit waale balidaan ke bagaer, sab kho jaate. Haalaanki, sirf Unpar aur Unke mission par vishwaas karna kaafi nahin hai. Hamein koshish karna aur seekhna, dhoondhna aur prarthna karna, pashchataap aur sudhaar laana hai. Hamein Parmeshwar ke kaanoon ko jaanna chahiye aur unpar amal karna chahiye. Hamein Unke uddhaar laane ke dharamvidhiyon ko haasil karna hai. Sirf aysa hi karne se hamein sachchi, anant khushi mil sakti hai.”9
© 2018 Intellectual Reserve, Inc. dwara. Pure adhikaar surakshit. USA mein chaapa gaya. Angrezi swikriti: 6/17. Anuwaad swikriti: 6/17. First Presidency Message, January 2018. ka anuwaad. Hindi, Fiji 15045 298