Etop eke Visiting Teaching, Akpa Ofiong ke isua 2018.
Du Kpere Enye ke Ini ekededi, ke Ebiet ekededi, ke Usung ekededi
Ndikise iban abanga edikworo iko Abasi Jesus okokworo iko Abasi ke ini ekededi ye ke ebiet ekededi. Nnyin imekeme ndinam ukem oro.
“Ndikworo iko Abasi” edi ndino unwam, ukpeme, mme unyanga emi edinamde owo efen okop ndongesit ye inemesit. Ndikise iban abanga ndifiok mme usung nte ikpekworode iko Abasi ino mbonowo emi nnyin ikesede. Jesus Christ okokworo iko Abasi ono kpukpru owo—ke ini ekededi ye ke ebiet ekededi. Enye ama ono tosin owo Ition udia, odong Mary ye Martha esit ke ini eyeneka erenowo mmo akpade, onyung ekpeb iko Abasi Esie ono nnwan oro ke itie obube mmong. Enye akanam oro oto ke ntak ata ima Esie.
Ke nditiene uwutnkpo Esie, nte mme andikise iban nnyin imekeme ndidi-diongo nnyung mma eyeneka nnwan kiet-kiet emi nnyin ikesede, iti ete ke ima edi ntongo ofuri nkpo emi nnyin inamde. Kini nnyin ibongde akam iyom ifiok-spirit ndidiongo danga ikpenamde nkpo ino enye inyung inwam enye ke ndisongo mbuotidem esie, “owo ikemeke ndibiongore mme angel ke ndidi nsanga [nnyin].”1
Tongo nte eketongo Relief Society ke isua 1842 edisim mfin emi, utom ukworo iko Abasi eke iban ododiong uwem owo. Nte uwutnkpo, Joan Johnson, ebekpa nnwan emi edide isua Anang-ye-iba, ye owo nsanga esie ema ekese mbohoidung mmo emi edide isua Anang-ye-usukkiet emi enyenede udongo ndedeng. Mmo ema ekut ete ke mbohoidung mmimo oyom mmo ndidi akan ini kiet ke ofiong, ntem mmo ema etongo ndikise enye ke kpukpru udua ke idem mmo mme ke phone.
Eke mme andikise iban eken, ndino etop ke phone ye email man ono osongo-uko ekeme ndidi ata eti nkpo ndinam nno eyeneka nnwan oro ke ofiong oro. Ndinam ebuana ye owo efen ye ndikpang-utong nkop ke esit ima edi ata idem-nkpo ke ndikise iban. Nkpo-utom ukwak eke eyo emi ye eti ini emi isobode iso-ye-iso eyenwam nnyin ndinam oro ke ini ekededi, ke ebiet ekededi, ye ke ediwak usung.2 Oro edi utom ukworo iko Abasi nte Jesus akanamde.
© 2017 otode Intellectual Reserve, Inc. Ekpan kpukpru unen ndiming. Ekeming ke USA. Enyime edikabare ke Iko Mbakara: 6/17. Enyimme Ndikabare: 6/17 Edikabare Etop eke Visiting Teaching Principles, January 2018. Efik 15045 553