Iwaad

Ebiere Nditua Mkpofiok

President Monson anam anwanga ete ke” ubiongutom nnyin edi ndiworo mkpong didie-didie nkpo nkesim ukeme, ndikpong iduo nkesim ndinam ofon. Ubiong nnyin edi ndikabare ndi ata nti ke idem nnyin.” Ediwak owo esisio Akpa Ofiong isua enim eno ndinam uduak ye ubiere ke ndiwak ndisak imam, ndidia eti udia, ye ndikpeb obufa ubok utom ofon. Ke nte mme uduak emi ekemede ndinwam mbufo ndikpuhore man efon, ata eti usung ke ndikpuhore edi nditua mkpofiok.

Okposuk nte editua mkpofiok edide okposong nkpo, enye edi eno! Nte nnyin ibuotde idem ke Jesus Christ oto ke editua mkpofiok ke mme idioknkpp nnyin, nnyin iyekeme ndikori inyung inam ofon. President Monson odoho ete ke, “Andinyanga nnyin, Jesus Christ edi akpan-nkpo ke uduak [erinyanga] emi. Ke uwa ufak Esie miduhe, kpukpru owo ekpetak.” Oto ke editua mkpofiok, ekeme ndiyet mbufo esana ke mme idioknkpo mbufo ndien ekori ke ndikabare ntie nte Enye ofon.

Ekere ebanga nkpo eke ekpekpande mbufo ke ndikabare ntie nte Andinyanga. Nte edi usem mbufo? Nte edi nte mbufo ekamade mme ufan ye ufokemana mbufo? Ke ama ekekere ebanga se mbufo ekpenamde man ofon, ebong akam eno Ete ke Enyong enyung eting udong mbufo ke ndikpuho ewut. Eti ete ke oto ke odudu Erisio-isop Esie, ke Jesus Christ ekeme ndinwam mbufo ndikan mmem-idem mbufo. Nte President Monson ekekpebde ete ke, “Eno editua mkpofiok, emi Andinyanga nnyin onode, eyenam nnyin inehede usung nnyin.”