2018
Nkpo Ita anade nte Eti
February 2018

Iwaad

Nkpo Ita anade nte Eti

Iko oro ti odu ke ediwak ebiet ke Nwed Mormon. Nephi eketeme ndito-eka esie ete eti danga nte Abasi akanyangade mme ete-ete mmo. Edidem Benjamin okodoho ikot esie ete eti nte Abasi okponde. Ndien Moroni eketeme mbon emi edikotde nwed esie ete eti nte Jehovah enyenede mbom eketre.

Nditi Andinyanga edi akpan-nkpo—nnyin ima idiomo nditi Enye kwa ini emi nnyin idiade udia-Obong. President Eyring odoho nnyin ete iti mme nkpo ita emi kini udia-Obong:

  1. Ti Jesus Christ: Ekot Nwed Abasi ebanga danga nte Andinyanga akanwamde onyung owutde ima ono mbon efen. Didie ke mbufo ekop ima Esie? Didie ke mbufo ekeme ndinwam nyung nwut ima nno mbon efen ukem nte Andinyanga akanamde?

  2. Ti se anade mbufo enam ofon: Efiak ekere ebanga udua emi ekebede ye esit mkpofiok. Emek nkpo kiet emi mbufo ekemede ndikpuhore ndien ewet danga nte mbufo edinamde edikpuho oro ofon enim. Enim uduak mbufo ke ebiet emi mbufo edikutde enye ndien-ndien.

  3. Ti nkori emi mbufo enamde: Ebenge Abasi man anwam mbufo ke ndikut nti nkori emi mbufo enamde. Ewet se mbufo ekerede ke esit enim.

Nnyin ifonke-ima, edi Andinyanga odiongo oro. Oro edi ntak emi Enye odohode ete nnyin isiti Enye. Nditi Enye eyeno nnyin idorenyin onyung anwam nnyin ke ndinam ofon. President Eyring odoho ete, kpa ke mme ini emi nnyin itreke nditi Enye, ke “Enye ke eteti mbufo kpukpru ini.”