Etop eke Ukpebnkpo Ndikise Iban, eke Ofiong Iba ke isua 2018
Yom man Odiongo Enye ye Ufokemana Esie
Ndikise iban edi abanga ndinehede ndidiongo nyung mma eyeneka-nnwan kiet-kiet man nnyin ikeme ndinwam nsongo mbuotidem esie nyung nsin unwam.
Mbuotidem, Ufokemana, Unwam
Rita Jeppeson ye eyeneka-nnwan emi ekesede enye ema ekabare edi nti ufan ke nte mmo esobode enyung ebuana mme ukpebnkpo iko Abasi. Edi edikise mmo nko ama esine ndibre mbre ubop-iko otokiet. Edi ata-akpan nkpo emi Rita amade akan kabanga owo andikise enye edi koro enye odiongo ete ke mmo edi ufan ndien ke edikise oro idihe ibanga “ndiwewet ke nwed” kpot. Odu ediwak nkpo emi ndito-eka iban ekemede ndinam kini ekesede owo, oruk nte ndinam isang otokiet mme ndiwup esisit mbiet ke inwang edem-esa kini ndito-nwong ebrede mbre.
Elder Jeffrey R. Holland eke Eboho mme Apostle Duopeba odoho ete, “Ekut idem mbufo nte isungutom Jehovah eno ndito Esie. … Nnyin imenim ete ke mbufo eyesiak ata eti ini ekikere iko Abasi eno mbon Ufok Abasi nnyin, ekpeme enyung ese kiet eken enyin, ese ebanga unana eke spirit ye eke obukidem ke usung ekededi emi edinwamde.”1
Jehovah ebe ke Moses owuk ndito Israel ete “ebat esen eke odungde ye mbufo nte amana ke otu mbufo, enyung ema [enye] nte idem fo” (Leviticus 19:34). Mme ndito-eka iban emi nnyin ikesede ekeme ndidi “esen” ke nte nnyin itongode utom nnyin, edi nte nnyin itongoke ndidiongo enye ye ufokemana esie, udong nnyin eyekori ke “ndibiom mbiomo kiet eken, man mmo efere” inyung inam esit nnyin eyire otokiet ke edidiana kiet ke ima nno kiet eken (Mosiah 18:8, 21)
Reyna I. Aburto, Udiana Onoitem ke Relief Society General Presidency, eketi emi kini enye ekedide obufa owo kiet ke Ufok Abasi emi okoworoke ke ndo. Enye odoho ete, “Mme iban emi ekesedisede mi ema edi ufok mi, ndien mmo ema eda inem eti ekikere ye ima esin ke esit mi.”2
Kere banga Emi
Ke esit-ufok mme ufokemana eke ndito-eka iban emi mbufo ekesede, ewe edinam emi edide ke iso ke ana nte mbufo ediongo enyung eti?
© 2018 otode Intellectual Reserve, Inc. Ekpan kpukpru unen ndiming. Ekeming ke USA. Enyime edikabare ke Iko Mbakara: 6/17. Enyimme Ndikabare: 6/17 Ndikabare Etop eke Visiting Teaching Principles, February 2018. Efik 97925 553