2018
Ma Tolu in Esam
February 2018

Mwet Fuhsr

Ma Tolu in Esam

Kahs se esam oasr pacl puhkantwen ke Puk luhn Mormon. Nephi el ngihsre tamuhlwel lal in esam ohiyac se ma God El molwelah pahpah tuhmwaclos. Tohkohsrah Benjamin el siyuck sin mwet lal in esam fuhlwactlacna luhn God. Ac Moroni el luti mwet ma riti sihm lal in esam luhpan pahkotwen luhn Leum.

In esam Mwet Lahngo yohk srihpac na pwacye—kuht finne olwelah in Esamuhl kais sie pacl kuht ipeis ke kuhfa luhn Leum. Prestuhn Eyring el suli kuht in esam ma tolu inge ke pacl luhn kuhfa luhn Leum:

  1. Esamuhl Jisus Kraist: Riti ma suhmuhslah ma ahkuhtweyac ohiyac in kuhlwacnsap luhn Mwet Lahngo ac luhngse Lal nuh sin mwet sahyac. Kom puhla luhngse Lal fuhkah? Kom ac kuhlwacnsap ac luhngse mwet sahyac oacna Mwet Lahngo fuhkah?

  2. Esam ma kom enenuh in oruh wo liki met: Motko ke wik tuhfahna tari ke inse auliyak. Sulwaclah sie ma kom kuh in ahkwoye, ac suhmuhslah lah kom ac ahkwoye fuhkah. Fihliyac finsrak lom ke sie acn ma kom ac kwacna liye.

  3. Esam kapkapwack kom oraclah: Siyuck sin God in kahsrwe kom liye kapkapwack lom. Suhmuhslah ohiyacn puhla lom.

Kuht tiacna suwohswohs, tuh Mwet Lahngo El etuh ma inge. Pa oruh El siyuck sesr in esamuhl. In esamuhl use nuh sesr finsrak ac kahsrwe kuht kena in oruh wo liki. Finne oasr pacl ma kuht muhlkuhnlah in esamuhl, Prestuhn Eyring el fahk, “El kwacna esam kom.”