Mwe Luti luhn Forfor Luti, February 2018
Srihke in Etwacllah ac Sucu Lal
Forfor luti pa in etuh ac luhngse ke inse pwacye kais sie tahmtahel kuht in muh kuh in kahsruh ahkkweye luhlahlfongi lal ac kuhlwacnsap.
Luhlahlfongi, Sucu, Kahsruh
Rita Jeppeson ac mwet forfor luti se lal ah elos kawuckyak ke elos muhtwacta ac akacsruhi mwe luti luhn wosasuc uh. Muhtwacta lalos oacyacpac weacng sritacl ke kahs ma elos tuhkweni oruh. Ma ingacn pa pahiyacl Rita ke mwet forfor luti se lal ah ke srihpen el etuh lah eltahl kawuck ac muhtwacta ingacn tiac “ma in oraclah” muhkwena. Puhkantwen kain ma tahmtahel uh kuh in oruh ke muhtwacta se, oacna tuhkweni fahsr kuh fihf mah ke imac uh ke tuhlihk uh srihtacl.
Elder Jeffrey R. Holland ke U luhn Mwet Sap Singucul Luo el fahk, “Liye kom oacna mwet tuhtahf po luhn Leum nuh sin tuhlihk Nahtuhl. … Kuht finsrak … tuh kom in akiyac sie ohiyac pwacye ac, liye wosasuc uh in karihngihn mempucr uh, liyaclosyang ac karihngihn sie sin sie, oaru ke enenuh luhn nguhn ac mahno ke kuhtwena inkacnek in kahsruh.”1
Sel Moses Leum El sapkihn tuhlihk nuhtin Israel lah “oru wo nu selos oana ke kom oruh nu sin mwet Israel wiom, ac lungse elos oana ke kom lungse kom sifacna.” (Leviticus 19:34). Tahmtahel suc kuht forfor luti uh kuh in “mwetsac” ke kuht muhtwacwacack muhtwacta lasr, tuh ke kuht etwacllah ac sucu lal, kena lasr ac fah kapkapwack in “akacsruhi ke ma toasr luhn kais sie, tuh ma inge in muhlahlahlac” ac oruh tuh “insiaclos in maeni in ma se ac in luhngse sie sin sie” (Mosiah 18:8, 21).
Reyna I. Aburto, Mwet in Kahsruh Ahkluo ke Prestuhnsi luhn Rilif Sosaiti, el esam ke el tuhfahna fahsrwelihk liki mukul tuhmwacl ac tuhfahna welah Alu uh. “Mwet forfor luti luhk ah tuhkuh nuh lohm sihk ah,” el fahk, “ac elos us tuhkuh sie puhla wowo ke karihngihn ac luhngse nuh insiuck.”2
Nuhnkuh Ma se Inge
Inmahsrlon sucu luhn tahmtahel suc kom forfor luti uh, kuh oasr mukwikwi ma ac sikyak ke moul lalos ma kom etuh kac ac esam?
© 2018 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/17. Ahkkweyeyucklac ke lweng: 6/17. Lwenglah luhn Visiting Teaching Principles, February 2018. Kosraean. 15046 868