Fal’ Yangren

Dalip Ban’en ni Ngam Tay u Wun’um

Fare bugi thin tay u wun’um e bay u lan fare Babyor ku Mormon nib bo’or yay. Nephi e pi’ e athamgil ngak walagen nib pumo’on ni ngar tew u wun’row Got nike ayuweg fapi labthir rorow ni ka’aram kafram. Benjamin nib pilung e fith ngak pi gidii’en ni ngar ted u wun’rad fare fal’ngin Got. Ma Moroni e yoeg ngak fapi cha’ nib ga’ ni ngar ted u wun’rad fare murnguy rok fare Somoel.

Tay u wun’uy fare Tathapeg e rib ga’fan—kad feked fare m’ag ni ngad ted Ir u wun’dad ni gubin yay ni gadaed ra fek fare sacrament. President Eyring e ke pinning daed ni ngad ted u wun’dad e dalip ban’en u nap’an fare sacrament.

Tay u wun’uy Jesus Kristus: Bi’eg fare thin nib thothup marunga’agen e rogon ni pigpig fare Tathapeg ngak boech e gidii’ nge dag e tu’uf rok. U u’w rogon ni gabe thamiy fare tu’ufeg Rok’? U ‘uw rogon ni rayog ni ngam pigpig mag tu’ufeg boech e gidii’ ni woed rogon ni dag fare Tathapeg ngodaed?
Tay u wun’um e tin ni ngam rin’: Mu sap ko n’en ni kam rin’ fare wik ni ke yan mag kalngan’um. Mel’eg ta’areb ban’en ni rayog ni ngam thiliyeg, mag yoloy rogon ni rayog ni ngam mon’og nag e binem. Mu tay e pin’ey ni gabe a’dag ni ngam rin’ nga bang ni rayog ni ngam guy ni gubin ngiyal’.
Tay u wun’un e pin’en ni gabe mon’og riy: Fith ngak’ Got nge ayuwegnem ngam guy fapi n’en ni gabe rin’ nib mangil. Mag yoloy nga butt’ ko mang e gabe thamiy.

Gadaed e dan machalbog gaed, machane manang fare Tathapeg e biney. Arfan ni ke fith daed ni ngaed ted Ir u wun’dad. Tay Ir u wun’dad e ra pi ngodad e athap nge ayuw ni ngad mon’og gaed. Ta’ab rogon ko ngiyal ni kad pagtalined ni ngaed ted Ir u wun’dad, President Erying e yoeg, “Gubin ngiyal’ ma gabay u Wan’.”