Mulwol ni Ngan Thapeg, February 2018
Manang Fan Salpen nge Tabinaew Rok
Mulwon ni ngan thapeg e mornga’agen e pigpig ni ngayog ni ngam nangfan salpen walagem nib bpin nge rogon ni ngam pigpig ngak ni nge mon’og nag e mich rok.
Mich,Tabinaew, Ayuw
Rita Jeppeson nge fare cha’ ni yow ma fil fare mulwol u ta’abang e ra mangew fagar. Nap’an ni yow ra yan ni ngar machib gow ma yow be gosgos u ta’abang ma yow be machib. Ma ra’badag Rita ni yow ma machib u ta’abang ya manang ni yow fagar ma fare mulwol ni ngan fil e gathi kemus ni ngin “ga’ar e kan rin’.” Bo’or ban’en ni rayog ni ngan rin’ u nap’an ni yibe fil fare mulwon ni ngan nang, woed ni ngan yan u butt’ u ta’abang fan pug e ppan u nap’an ni be fafal e bitir u wean.
Elder Jeffrey R. Holland ko fare Quorum ko fare Ragag nge L’agruwi Apostles e ga’ar, “Mu guyem ni woed gur e fare ta pigpig ko fare Somoel ngak pi fak. …gamaed be athapeg … ni garam fal’eg e tin nib mangil ban’en, rogon ni ra pi’ fare gospel e ayuw, min ayuweg boech i gadaed, min fil fapi n’en nib thothup nib tu’uf ni rayog ni nge ayuwegdaed.”1
Dakan Somoel ngak Moses me yoeg ngak’ fapi gidii’ nu Isreal ni “ngar t’ufgad romed ni bod fanmed t’uf romed” (Levitikus 19:34). Fapi bpin ni gadad ma nangfan salpen raed e rayog ni be’ ni “dan da nanged” nap’an ni gadaed ra tab ko pigpig, nap’an ni gadaed ra nang salpen nge tabinaew rok, ma gadaed ra a’dag ni ngad “mab m’agaen’med ngay ni ngam ayuweged gimed, ni nge yog ni ngam ba’ud gaed” me par ni “dabra l’el’eged e thin u thilraed” (Mosiah 18:8, 21).
Reyna I. Aburto, Bin L’agruw e Counselor ulan fare Relief Society General Presidency, tay u wun’um ni fan gi dar gow e pumo’on rok ma fani un ko fare Galasia. “Gidii’ ni ma fil fare mulwon ni ngan thapeg e yib nga tabinaew rog,” ni ke yoeg, “kug thamiy ni gag be’ nib ga’fag me be sug nag e tu’ufeg gimircha’eg.”2
Mu Lemnag e Pin’ey
U lan e tabinaew rok fapi bpin ni game fek e muwlon ngoraed, mang boech ban’en ni bayi buch ni rayog ni ngam tay u wun’um?
© 2018 rok Intellectual Reserve, Inc. Bay mot’won ni gubin. Kan yoloey u Mariken. Kan micheg nag ko thin nu Ngalis: 6/17. Micheg nag i pilyeg: 6/17. Pilyeg ni thin ko Visiting Teaching Principles, February 2018. Yapese. 15046 905