យុវវ័យ
រឿងបីដែលត្រូវចងចាំ
ពាក្យ ចងចាំមានលេចឡើងជាច្រើនដងក្នុងព្រះគម្ពីរមរមន ។ នីហ្វៃបានលើកទឹកចិត្តបងៗប្រុសរបស់លោកឲ្យចងចាំពីរបៀបដែលព្រះបានសង្គ្រោះដូនតារបស់ពួកគេ ។ ស្តេច បេនយ៉ាមីន បានសុំឲ្យប្រជាជនរបស់ទ្រង់ចងចាំនូវភាពដ៏មហិមានៃព្រះ ។ ហើយ មរ៉ូណៃ បានបង្រៀនអ្នកអានរបស់លោកឲ្យចងចាំថា តើព្រះអម្ចាស់មានសេចក្ដីមេត្តាករុណាប៉ុណ្ណា ។
ការចងចាំដល់ព្រះអង្គសង្គ្រោះគឺជារឿងសំខាន់—យើងថែមទាំងបានធ្វើសេចក្តីសញ្ញាថាចងចាំទ្រង់រាល់ពេលដែលយើងទទួលទានសាក្រាម៉ង់ ។ ប្រធាន អាវរីង អញ្ជើញយើងឲ្យចងចាំរឿងទាំងបីនេះអំឡុងពិធីសាក្រាម៉ង់ ៖
-
ចងចាំព្រះយេស៊ូវគ្រីស្ទ៖សូមអានបទគម្ពីរអំពីរបៀបដែលព្រះអង្គសង្គ្រោះបានបម្រើ និងបានបង្ហាញសេចក្តីស្រឡាញ់ទៅកាន់អ្នកដទៃ ។ តើអ្នកទទួលអារម្មណ៍នៃសេចក្តីស្រឡាញ់ទ្រង់យ៉ាងដូចម្តេច ? តើអ្នកអាចបម្រើ និងបង្ហាញសេចក្តីស្រឡាញ់ទៅកាន់អ្នកដទៃដូចដែលព្រះអង្គសង្គ្រោះបានធ្វើយ៉ាងដូចម្តេចដែរ ?
-
សូមចងចាំអ្វីដែលអ្នកត្រូវធ្វើឲ្យបានប្រសើរឡើង ៖សញ្ជឹងគិតពីសប្តាហ៍កន្លងមកដោយដួងចិត្តចង់ប្រែចិត្ត ។ សូមជ្រើសរើសរឿងមួយដែលអ្នកអាចធ្វើការផ្លាស់ប្តូរ ហើយសរសេររបៀបដែលអ្នកនឹងកែលម្អឲ្យប្រសើរឡើង ។ ចូរដាក់គោលដៅរបស់អ្នកនៅកន្លែងណាមួយដើម្បីអ្នកនឹងឃើញវាញឹកញាប់ ។
-
សូមចងចាំនូវដំណើរការដែលអ្នកកំពុងធ្វើ៖សូមដល់ព្រះឲ្យជួយអ្នកមើលឃើញនូវដំណើរការល្អដែលអ្នកកំពុងធ្វើ ។ សូមកត់ត្រាអារម្មណ៍ដែលអ្នកបានទទួល ។
យើងមិនឥតខ្ចោះទេ ប៉ុន្តែព្រះអង្គសង្គ្រោះញាណដឹងពីការណ៍នោះហើយ ។ នោះជាមូលហេតុដែលទ្រង់សុំយើងឲ្យចងចាំទ្រង់ ។ ការចងចាំទ្រង់ ផ្តល់ដល់យើងនូវសេចក្តីសង្ឃឹម ហើយជួយយើងឲ្យចង់ធ្វើកាន់តែល្អប្រសើរ ។ ទោះពេលខ្លះយើងភ្លេចទ្រង់ ប្រធាន អាវរីង មានប្រសាសន៍ថា « ទ្រង់តែងតែចងចាំអ្នកជានិច្ច » ។