2018
Prea from Wanwan Sista mo Talem Nem blong Hem
March 2018

Visiting Tijing Mesej, Maj 2018

Prea from Wanwan Sista mo Talem Nem blong Hem

Lav long ol sista we yumi stap visitim mo insperesen abaot olgeta bae i kam bigwan moa taem yumi prea, wetem tingting i stap daon, from wanwan sista ia taem yumi talem nem blong wanwan long olgeta long prea.

Fet, Famli, Help

Rilif Sosaeti sil

Ol skripja oli serem plante eksampol blong ol man mo ol woman we oli prea mo talem ol nem blong olgeta nara man o woman ia long prea. Hemia we i mekem hemia i papa blong Yangfala Alma. Mo enjel i bin toktok long Yangfala Alma, i talem long hem se papa blong hem “[i bin prea] prea wetem fulap fet long saed blong [hem] … taswe, from stamba tingting ia, mi mi bin kam blong winim tingting blong yu blong mekem se yu save paoa mo raet blong God, blong ol prea blong ol wokman blong hem i save gat ansa folem fet blong olgeta” (Mosaea 27:14).

Blong stap prea from wanwan long yumi i openem hat blong yumi blong kasem ol blesing we Lod i wantem blong givim long yumi. “Stamba tingting blong prea i no blong jenisim tingting blong God, be i blong mekem se, yumiwan mo ol narawan, oli kasem ol blesing we God i glad finis blong givim, be yumi mas askem blong yumi save kasem.”1

Wan sista i tokbaot se long wan taem we i bin had insaed long laef blong hem, wan fon kol o wan simpol teks mesej i stap kam oltaem long ol visiting tija blong hem, speseli long “ol dei we i tudak smol.” I luk olsem se tufala i save stret se hem i nidim wan blong leftemap tingting blong hem. Hem i bin save se oli bin prea from hem, tugeta long visit blong tufala mo olgetawan.

“Traem tingting se kombaen paoa blong yumi, sapos evri sista i prea wetem tru hat long evri moning mo naet, o, gud moa, sapos oli stap prea oltaem olsem we Lod i bin givim komanmen from,” Julie B. Beck, foma Jeneral Rilif Sosaeti Presiden i talem.2 Blong stap prea from olgeta we yumi stap visitim i stap givim moa paoa long yumi olsem wanwan woman, mo olsem wan Lata-dei Sent woman.

Presiden Henry B. Eyring, Fas Kaonsela long Fas Presidensi i bin talem: “Prea from rod ia blong save hat blong olgeta. … Bambae yufala i nid blong save wanem God i wantem yu blong mekem blong helpem olgeta mo blong mekem evri samting, olsem we yu save mekem, mo stap filim lav we God i gat long olgeta.”3

© 2018 i kam long Intellectual Reserve, Inc. Oli holem evri raet. Oli printim long USA. Oli letem long Inglis lanwis: 6/17 Oli letem translesen: 6/17 Translesen blong Visiting Teaching Principles, March 2018. Bislama. 15049 852

Ol Not

  1. Guide to the Scriptures, “Prayer.”

  2. Julie B. Beck, “What Latter-day Saint Women Do Best: Stand Strong and Immovable,” Liahona, Nov. 2007, 110.

  3. Henry B. Eyring, “Priesthood and Personal Prayer,” Liahona, May 2015, 85.