Osisechakl er a Oldingel e Olisechakl, Ongedei el buil 2018

Moluluuch el kirir a Dersta el Odos el melekoi a Ngklir

A beltik el reng er kid el kirir tirkel doldingel er tir a mo chachisois sel doba ngariou el reng e doluluuch el kirir a dersta el odos el melekoi a ngklir.

A chedaol llechukl a betok okesiu er a chelsel er a rsechal me a redil el milluluuch el kirir a rebebil el melekoi a ngklir. A ta er a dmolech lokesiu a demal a Kekerei el Alma. A anghel a milngedecheduch er a Kekerei el Alma, el melekoi er ngii el kmo a demal “a [mla] a mla meluluuch loba blak el reng el kirel … ; a leuaisei, e tiaikid a uchul e ak mei el me mengesuseu er kau el kirel a klisiich me a ngerachel er a Dios, me a nglunguchel a mesiungel bol monger loltirakl er a klaumera er ngii” (Mosiah 27:14.).

A nglunguuch el kirel a ta me a tang a mok a rengud el mo ngmai a klengeltengat el Rubak a soal lomeskid. “A moktek er a nglunguuch a diak bo dolodech er sel soal a Dios, ng bai oterkeklel a klengeltengat el kired me a kirir a rebebil el Dios a soal lodars el mei er kid, e ng di ng kired lolengit me luchul e bo dengai.”¹

A tal odos a ulechais el kmo a ta er a taem eng kmal mle meringel a klengar ngii, e a dengua malechub a kedeb el klumech er a text a mle belchoel lengai er a roldingel er ngii lodos er a “chelsel aikel kmal meringel el sils er ngii.” Te uaia di lodengei aikel taem el sal lousbech a ngesou. Ng mle medengei el kmo tir a meluluuch el kirel, er a chelsel aikel taem loldingel er ngii me a kuk di mitil a taem.

“Ka momtab a uldekial a klisiched omko a bek el odos a mo ngara nglunguuch er a bek el tutau me a le kebesengei malechub, e sel kmal ungil, a lak el meterob el di meluluuch el Rubak a mla dmu er kid, “ng millekoi a Julie B. Beck, el mle Merredel er a Cheldellel a General Relief Society.² A doluluuch el kirir tirkel doldingel er tir a smisichid kid el ulengakl el redil er a Uriul-klebesei el Santo.

A President Henry B. Eyring, Kot el Counselor er a First Presidency, a millekoi el kmo: “Moluluuch el kirel a teletael el mo medengei a ngara rengrir. … Ng kirem el mo medengei el kmo ngera soal a Dios a bo moruul el mo ngosuterir el mo kudmeklii, el mo er sel sebechem, me bo lolchesuar a beltik el reng er a Dios el kirir.”³

© 2018 lokiu a Intellectual Reserve, Inc. Urrekdoel a rokui el klisiich. Milluches er a USA. Kengei er a English: 6/17. Kengei er a oidel: 6/17. Oidel a Visiting Teaching Principles, March 2018. Palauan. 15049 881