Ngeasek

Kldmokl el mo Rongesii a Ngerel a Dios

A President Uchtdorf a smodii el kmo a kot el tekoi el Dios a rirellii ruriul er a lebebii a sechal me a redil a milngedecheduch er tir e milsterir a mekeos e meklou a belkul tekoi. Kid a ngmai osisiu el klengeltengat sel Ongeua el buil me a Ongeteruich el buil er a temel a klou el ongdibel, el remengeteklel a Ikelesia a mengedecheduch er kid a llach el Rubak a soal a derenges.

Ke mla rongesii a ngerel a Dios lokiu a Remesiungel er a temel a klou el ongdibel? Ke mla omelchesiu el kmo a chimol tokubets el klumech a milskau a nger el meketeketang el mosiik er ngii? Chelsel a journal, eng sebeched el luchesii tial teletael el kmo ng milkerang e ngosukau. E mongedmokl er kau el mo rongesii a ngerel a Rubak er chelechal merael mei el klou el ongdibel el mo lmuches a kerim e molbedebek e mosuub el kirel sel monguiu chedaol llechukl. Moluluuch el mo er a Chedam er a Babeluades, lolengit el mo ngmai a nger me a llomes er a temel a klou el ongdibel. Me sel morrenges er a remesiungel a Rubak, e momtab aikel nger el mngai. Ngera ke suubii? Ke milkerang e mukrael el mo melodech er kau? Mluches aikal chedaol nger le tiaikid a odbechel Chedaol Reng el mengedecheduch er kau!

Bo blechoel melbedebek el kmo a Chedam er a Babeluades a betik a rengul er kau e mo omekrael er kau er a llemalt el rael. Me sel molasm lorrenges a Tekingel lokiu a Remesiungel, e ke mo mukngeltengat.