Klumech er a First Presidency, Ongedei el buil 2018
Tekingel a Dios el mo er a Rengelekel
Mla er a President Dieter F. Uchtdorf
Ongerung el Counselor er a First Presidency
A chedaol llechukl ouchais er kid el kmo a kot el tekoi el Dios a rirellii ruriul er a lobeob a sechal me a redil a milngedecheduch er tir.1 Ng mla er ngii a mekreos e meklou a belkul tekoi el Ngii a milsterir. A moktek er Ngii a dimlak lomekberaod malechub e lolsebek a rengrir ng bai ulemekrael er tir el bedul a deureng me a diak a ulebengelel klebkall.
E tiaikid a mle uchelel. Me ng ulemuchel er seikid el sils el mei er a chelechang, e a Dios a melemolem el mengedecheduch lobengterir a Rengelekel. A tekingel a mla mekeluolu, e mekereomel, e mosisechakl lokiu a remesiungel er a chelsel a bek el taem. Aika el tekoi a mla mekeluolu er tirkel tir osiik el mo medengelii a soal a Dios, e olab a sioning er a klemerang el kmo a “Rubak el Dios a diak a ngera loruul, ng bai di ocholt a bertelel el mo er a remesiungel el tir a profet er ngii.”2
Tiaikid a di mla teletael er a uchelel a taem, e tial teletael a melemolem el mei er a chelechal sils. Aika diak di lungil cheldecheduch el ngara chelsel a Biblia; ng bai mla mekedmokl el teletael el Dios a ouchais a meklou a belkul klemechel el mo er a Rengelekel. Ngii a melilt er a rechad er a delongeled, e omekedong er tir el mo profet, e mesterir a tekoi lolekoi, el kid a kired el “ngmai, el di ngii me a le tobed er a [Ngerel].”3 Ngii a mla dmu el kmo, “A letobed er a ngerek me a letobed er a ngerir a rmesiungek, me ng diosisiu.”4
Tia ta er a kot el chetengakl, e melisiich, e meskid a urunguled el klumech er a chelsel Oluut— el Dios a diak lemechiuaiu! Ngii a betik a rengul er a Rengelekel. Ng dirkak le bechikid me di dongiremerem.
Chelsel a tal rak, er sel Ongeua el buil me a Ongeteruich el buil, eng erung a techelled el rongesii a ngerel a Rubak lokiu a Remesiungel er a chelsel a klebokel el meklou el ongdibel.
A kuchotii a sioning er ngak el kmo a uchei er a lorael a chad el mo dechor e longedecheduch er a temel a klou el ongdibel, e ngika el chad a mla chemoit a temel, nglunguchel, me a omesubel el kirel a tekoi el bo longedecheduch. Bek el klumech er a chelsel a klou el ongdibel a betok el sikang a kedmeklel me a meral ngara reng el nglugnuuch el mo medengelii sel soal a Rubak a le morenges er a Resanto er Ngii.
Ngera mo dubech omko kid lorrenges e omekesiu er sel kedmeklel ngika el chad el mengedecheduch el mei er kid? Ng locha mo uangera osenged el kirel a klou el ongdibel omko kede omes er ngii el techall el dengai a klemechel a Rubak? Ngokiu a cheldecheduch me a chelitakl er a chelsel a klou el ongdibel, eng sebeched el ngmai a nger er a ngii di el ker malechub a mondai el dechelebangel.
Alsekum e ke ko er a oumededenger el kmo a Chedam er a Babeluades ng meral mengedecheduch er kau, e ng soak lomeklatk er kemiu a beot e dmolech a belkul el tekoi er a chelsel a chelitakl er a Primary: “[Kau] a ngelekel a Dios, e ngii a mla [odureklau] el mei.” A moktek er Ngii a ngosukau el lemuut el mo “kiei lobengkel er a ta er a klebesei.”
Omko ke obult el mo er a Chedam er a Babeluades el uaia Omngelekel, eng sebechem el meral lolengit er Ngii, “Morolak,e mngesukak, el merael, mo metik er a klemerang. Mosischeklak er a klemrang.” Ngii a mo mengedecheduch er kau lokiu Chedaol Reng er Ngii, e seikid eng di mo iior kau “lotirkelii a soal.” Ak yaksok el kmo sel bom uaisei, e a “betok el klengeltengat a medechel kirem.”5
A ulekrael er a Rubak a kmal klou a usbechellel er chelechal sils er a ikal merekong el reksi er a beluulechad. Sel dongedmokl er kid el mo orrenges a tekingel a Rubak, e bol blak a rengud lultuil er a Klemerang me sel longedecheduch a Rubak el mei er kid lokiu a Remesiungel, e ng sebeched le mo mui el medengei, e mo tang, e mo dmak el ngara deureng.6
A kuchais el kmo, “sel bo doruul el uaisei e a beluu er a ngau a mo diak a klisichel [kired]; oi, e a Rubak el Dios a mo choridii a klisichel a iilkolk er bita er [kid], e a babeluades a mo omritel el kirel a [klungioled], me a klebkellel.”7
© 2018 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/17. Kengei er a Oidel: 6/67. Oidel a First Presidency Message, March 2018 Palauan. 15049 881