iTabagone

Vakavakarau tu ni Rogoca na Domo ni Kalou

Vakamacalataka o Peresitedi Uchtdorf ni matai ni ka a cakava na Kalou ni bulia oti na tagane kei na yalewa oya me vosa vei rau ka solia vei rau na itukutuku kei na ivakasala vakasakiti. Eda rawata na veivakalougatataki vataga oya ena Epereli kei na Okotova donuya na koniferedi raraba, ni ra vosa vei keda na iliuliu ni Lotu ka vakasalataki keda ena ka e vinakata na Turaga meda rogoca.

O sa bau rogoca mada na domo ni Kalou mai vei ira na Nona italai ena gauna ni koniferedi raraba? O sa bau vakila mada ni vaka sa solia vei iko e dua na itukutuku vakatabakidua na isaunitaro o a vakasaqara voli? Ena dua na ivolaniveisiga, sa rawa ni ko vola na ka o a sotava oya kei na sala e a vukei iko kina. Qai vakavakarau ni rogoca na domo ni Turaga ena koniferedi roro mai oqo ena volai ni taro eso e tiko vei iko ka vulici ira voli ena gauna ni nomu vuli ivolanikalou. Masu kivua na Tamada Vakalomalagi, ka kerea mo ciqoma na isaunitaro kei na raiyawa eso ena gauna ni koniferedi. Ni o vakarorogo kivei ira na italai ni Turaga, vakanamata ki na veivakauqeti vakayadua. Na cava o sa vulica? O vakila vakacava na veivakauqeti mo veisau? Vola na veivakauqeti oya, baleta oqori sa e vosa tiko vei iko Yalotabu!

Dau nanuma tikoga ni sa lomani iko na Tamada Vakalomalagi ka na tuberi iko ena sala dodonu. Ena nomu sasaga ni rogoca na Domona mai vei ira na Nona italai, ko na vakalougatataki ka vakacegui.