ຊາວໜຸ່ມ
ການຕຽມຟັງສຸລະສຽງຂອງພຣະເຈົ້າ
ປະທານອຸກດອບ ອະທິບາຍເຖິງສິ່ງທຳອິດທີ່ພຣະເຈົ້າໄດ້ກະທຳ ຫລັງຈາກໄດ້ສ້າງຊາຍ ແລະ ຍິງ ແມ່ນໄດ້ກ່າວກັບພວກເຂົາ ແລະ ໄດ້ມອບຂໍ້ມູນ ແລະ ຄຳແນະນຳທີ່ມີຄ່າໃຫ້ພວກເຂົາ. ເຮົາໄດ້ຮັບພອນຢ່າງດຽວກັນນັ້ນ ໃນເດືອນເມສາ ແລະ ເດືອນຕຸລາ ລະຫວ່າງກອງປະຊຸມໃຫຍ່ສາມັນ, ເມື່ອຜູ້ນຳຂອງສາດສະໜາຈັກ ກ່າວກັບເຮົາ ແລະ ມອບຄຳແນະນຳໃຫ້ເຮົາ ຕາມທີ່ພຣະຜູ້ເປັນເຈົ້າປະສົງໃຫ້ເຮົາໄດ້ຍິນ.
ເຈົ້າເຄີຍໄດ້ຍິນສຸລະສຽງຂອງພຣະເຈົ້າ ຜ່ານທາງຜູ້ຮັບໃຊ້ຂອງພຣະອົງບໍ ລະຫວ່າງກອງປະຊຸມໃຫຍ່ສາມັນ? ເຈົ້າເຄີຍຮູ້ສຶກຢູ່ບໍວ່າ ຂ່າວສານໃດໜຶ່ງໄດ້ຕອບຄຳຖາມຂອງເຈົ້າ ທີ່ເຈົ້າຢາກໄດ້ຮັບຄຳຕອບຢູ່ພໍດີ? ໃນປຶ້ມບັນທຶກສ່ວນຕົວ, ເຈົ້າສາມາດຂຽນປະສົບການ ແລະ ເຖິງວິທີທີ່ມັນຊ່ວຍເຈົ້າໄວ້. ແລ້ວຕຽມທີ່ຈະຟັງສຸລະສຽງຂອງພຣະຜູ້ເປັນເຈົ້າ ໃນກອງປະຊຸມໃຫຍ່ທີ່ຈະມາເຖິງນີ້ ໂດຍການຂຽນຄຳຖາມທີ່ເຈົ້າມີລົງໄວ້ ແລະ ສຶກສາມັນລະຫວ່າງການສຶກສາພຣະຄຳພີ. ອະທິຖານຫາພຣະບິດາເທິງສະຫວັນ, ທູນຂໍຄຳຕອບ ແລະ ຄວາມຮູ້ລະຫວ່າງກອງປະຊຸມໃຫຍ່. ໃນຂະນະທີ່ເຈົ້າຮັບຟັງຜູ້ຮັບໃຊ້ຂອງພຣະຜູ້ເປັນເຈົ້າ, ໃຫ້ເອົາໃຈໃສ່ກັບການກະຕຸ້ນສະເພາະ. ເຈົ້າໄດ້ຮຽນຮູ້ຫຍັງແດ່? ເຈົ້າຮູ້ສຶກການດົນໃຈວ່າຢາກປ່ຽນແປງແນວໃດ? ໃຫ້ຂຽນການກະຕຸ້ນເຫລົ່ານັ້ນລົງໄວ້ ເພາະນັ້ນແມ່ນພຣະວິນຍານທີ່ກຳລັງກ່າວກັບເຈົ້າ!
ຈົ່ງຈື່ຈຳສະເໝີວ່າ ພຣະບິດາເທິງສະຫວັນຮັກເຈົ້າ ແລະ ຈະນຳພາເຈົ້າ ໄປໃນທາງທີ່ຖືກຕ້ອງ. ເມື່ອເຈົ້າພະຍາຍາມຟັງສຸລະສຽງຂອງພຣະອົງ ຜ່ານທາງຜູ້ຮັບໃຊ້ຂອງພຣະອົງ, ເຈົ້າຈະໄດ້ຮັບພອນ ແລະ ຮຽນຮູ້.