Ilo Digital Wōt: Rūm̧m̧an Ded ro
Emen Katak kōn Meram ilo Iien Marok
Ilo an nan̄inmej in emakūtkūt āinwot juon kōdo̧ ekilmeej ilo aolepen laļ in, ewōr wōt jet wāween ko n̄an kadelon̄ tok meram eo.
Rijeje eo ej jokwe ilo Voronezh Oblast, Russia.
Ilo ke ikar etetal ippān kidu eo nejū, ikar loe juon kōdo ekūre ej waļo̧k tok ilo an al romak wōt. Ej kakeememej eō kōn nan̄inmej eo ej waļo̧k kiiō. Men̄e men otemjej remaron̄̄ marok im kaburom̧ōjm̧ōj āinwōt kōdo̧, iakwe eo an Irooj n̄an kōj eļapļo̧k an kajoor, āinwot aļ eo.
Juon naan ilo Kajin pālle ej ba “Aolep kōdo̧ ewōr juon lain jelba,” meļeļe in bwe apan̄ ko remaron̄̄ katakin kōj juon men ewor tokjen. Ilo aō ļōmņak kōn ta ko rekar jipan̄ n̄a pad wōt ilo jokwane ilo jet allōn̄ ko rej mootļo̧k akō ta ko rekar jab jipan̄, ikar kile bwe ewōr emen m̧ool ko reaorōk me ikar en̄jake renaaj wōnmaanļo̧k n̄an kōjeraam̧m̧an mour eo aō ilo juon iien aitok ālkin nan̄inmej in.
1. Ewōr Jokne n̄an Ļoor Rikanaan eo.
Ta ko rej waļo̧k ilo online im nuuj ko rej riab ilo aer ba kōn elōn̄ kain wāween ko n̄an joļo̧k nan̄inmej in ekar jab kōm̧m̧an men in an em̧m̧an mour in aō. Men̄e ennaan kein ren kar jipan̄ armej n̄an pād wōt ilo jokne im ājmour, rekar kōm̧m̧an menin aō mijak eļapļo̧k jān m̧okta. N̄an waanjon̄ak, ālkin aō loe bwebwenato eo kein kajiljino kōn jet kein iōek ko remaron̄̄ ane nan̄inmej in coronavirus, ikeememej aō inepata eļan̄n̄e ebwe jon̄an kein iōek ko ilo jikin m̧ōn̄ā eo am, kobaļo̧k aō ļōmņake iien mej eo aō epojak in bōk jikin.
Ilo kar iien kweiļo̧k eo eļap jejjo iiō ko remootļo̧k, Būreejtōn Russell M. Nelson ekar karuwainene kōj n̄an bōk kwonad ilo jon̄oul-raan in jitļo̧k jān online ko rej bōktok atowaan im ļōmņak ko reto̧o̧n n̄an kōļmenļo̧kjen ko ad.1 Naan in kōkapilōklōk ko rekar juon kakōllā n̄an n̄a, innām ikar joļo̧k aō kōjerbale jet iaan online ko mā eļap aer kar bōke iien ko aō. Ikar jino aō m̧ōņōņō im dikļo̧k aō inepata.
Kiiō ij kile bwe ij aikuj karreeoik imenene ko aō online. Ikar reiļikļo̧k kōn awe im kōļmenļo̧kjen: Būrejtōōn Nelson ekar ke jeļā ke bwe online en kar juon men in bōbweer im atowaan rainin, ilo iien nan̄inmej in aļap? Ilo m̧ool ewor koņ ilo loore rikanaan eo. Naan ko an ritōl ro an Kabun̄ in rej āinwot meram in al, ilo at tok bulōn men ko jej jab melele kaki im kapelļok juon ial n̄an aenōm̧m̧an.
2. Maanjeppopo ej Joļo̧k Mijak ej
Juon iaan men ko ekōm̧m̧an menin aō en̄jake jokneej ron̄ jān armej ro, āinwōt ilo iien ko an Noa, kajjirere kōn ro jet kōn aer maanjeppopo im em̧m̧an. Ij ļōmņak jet armej edik aer kaļapļo̧k mwil ko kōn ilju im jeklaj. Ro remeletlet rej lukkuun loori naan in kapilōk ko an rikanaan ro im kajieon̄ unare peid-make.
Elōn̄ iiō ko, ritōl ro an Kabun̄ in rekar katakin kōj bwe en ejjeļo̧k ad muri, n̄an pukōt jeļāļo̧kjeņ n̄an maron̄̄ kaļapļo̧k ad make kabwe aikuj ko ad im ro jet, n̄an lōn̄ jikin kakoņ m̧ōn̄ā im dren, im n̄an kakoņ jāān ne emaron̄̄. Ijeļā bwe aolep men ko jej io̧o̧ni reoktak, jet laļ rej jab kōtļo̧k n̄an kakoņ m̧ōn̄ā im aikuj ko jet. Akō jekdoon kakien rōt kein rej waļo̧k, āinwōt kajjojo iaad jemaron̄̄ pukote juon men jemaron̄̄ kōm̧m̧ane n̄an lukkuun kappopo n̄an ilju im jeklaj.
Ij pād ilo jokne eļan̄n̄e ij kajeeon̄n̄ n̄an pokake im imaron̄̄ etal n̄an Irooj kōn kajoor n̄e ij kajjitōk jipan̄. Maanjeppopo in ej āinwot bar juon meram in aļ, itok bulōn mijak im kakōm̧anm̧anļo̧k kōjatdikdik.
3. Mwil ko rej Kōm̧m̧an Oktak
N̄aninmej in ekar kōm̧m̧an bwe n̄ain kam̧ool eļap kōn armej ro rej peran kōn ennaan in kōkapiļōkļōk, jetōb, im m̧anit eo emourur. Rein mōtta rejitenbōro aolep iien rej kameramļo̧k raan ko aō. Rej kakeemejmej n̄a bwe jemaroā kālet ewi jon̄an ad nej elļo̧k n̄an jabdewōt ta ko rej waļo̧k ipelaakid.
Ikar kajjieon̄ in loore waanjon̄ak in iien eo kweilo̧k ko an Jar rekar pōjrak. Ijeļo̧kin kaļōn̄ļōj kajitōk ko kōn “etke” im “elmen,” ikar kālet n̄an remaanļo̧k wōt ilo ta ko rem̧m̧an ilo katak kōn gospel eo ilo moko. Ij loe kiiō bwe ilo aō reiļo̧k n̄an men ko m̧wil ko rem̧m̧an, men̄e ej pād jet iien, ekar jipan̄ n̄a kajoor ilo jetōb eļapļo̧k jān aō kar nej kōtļo̧k bwe kūtōtō en bōk jikin. Āinwōt meram eo kein kajilu, m̧wil ko rem̧m̧an remaron̄̄ joļo̧k ebweer im kakōm̧m̧anļo̧k būruwōd.
4. Jetōb Kwojarjar ej Rijipan̄ eo Ekajoor.
Juon raan ke ikar en̄jake aō būrom̧ōj im make iaō, ikar kālet n̄an ron̄jake Rial ro an Tabernacle ilo Janel eo online. Al ko rejipan̄ eō en̄jake im̧wee eo an Jetōb Kwojarjar. Ekar wōr juon jikin bwebwenato ilo janel eo, im elukkuun limo an armej ro kwaļo̧k iakwe im kam̧ool jān ipelaakin ļalin. Ikar en̄jake aō kobaļo̧k ipper. Ilo an kareel eo an Jetōb Kwojarjar joļo̧k an metak būruō, ikar jino aō m̧ōņōņō im aenōm̧m̧an.
Ikar loe jān iien n̄an iien bwe elan̄e inaaj kate n̄ā n̄an karwainene Jetōb Kwojarjar n̄ān mour eo aō, Enaaj jiban̄e n̄a kōn ta ko ij aikuji. Ej juon rijiban̄ eo ekajoor eo ej ikideelel n̄an boktok menin letok eo an aenōm̧m̧an, lem̧ōņōņō, im melele. Āinwōt meram eo an aļ, E maron̄̄ joļo̧k marok im kwaļo̧k ta eo em̧ool.
Pukōt Meram eo
Irooj ekajoor jan jabdewōt en̄taan. Ilo an io̧o̧n eo kein karuo ilo bok in al eo 89 ba:
Irooj ej aō meram; men̄e kōdo̧ renaaj waļo̧k,
Tōmak, kajoorļo̧k jān loe, reilōn̄ļo̧k bulōn lan̄
Ijo Jisōs ej indeeo ao meram ej kiin.
Innām elmen an marok nej pād?2
Iakwe kōjro en kar etetal ippān doon rainin. Jemaron̄̄ kar reiļōn̄ļo̧k n̄an lan̄, tutu kōn meram, im kōnaan kōn mool ko rej kameram mour ko ad. Ijeļā elap wāween ko n̄an kwaļo̧k kōn meram eo ippān ro jet. Bōlen konij ļōmņak kōn etetal rōt in bar juon iien kwonaaj ioone lan̄ ko renij pinej ijo al ej pād ie. Irooj ej pād ippād, im jejjab aikuj mijak.