Ilo Digital Wōt: Rūm̧m̧an Ded ro
N̄an Mijenede ro Ejidimkij Aer Bar Etal N̄an Juon Jikin
Mijen eo am ekabūlōn̄lōn̄ an kar ke oktak? Erein ej jet kein jipan̄ ko jān juon eo mā emeļeļe jidrik kōn ta ko kwoj ioon.
Rijeje eo ej jokwe ilo Utah, USA.
Elōn̄ iaami mijenede ro repād ijoko rejimdikij ilo kiiō— kōttar n̄an am jeļā ia eo kwonij etal n̄ane ekāāl n̄an mijen eo am, ak boōlen ilo moko. Lale ļo̧k bwebwenato kein bōk jikier ej bōktok eļap keemejmej kōn en̄jake ko ilo mijen eo aō make jejjo̧ iiō ko remootļo̧k. Ikar ļōmņak bolen in kwaļo̧k jet melele ko remaron̄̄ jipan̄, jān juon mijinede ekar jidimkij an oktak jikin ad jerbal n̄an bar juon.
Emakūt eo an Albanian.
Ilo 1997 eo, ikar juon mijenede ilo Albania. Kōm̧pānien ro ao im n̄a kar ļukkuun iakwe countryside ko, m̧ōn̄ā eo enno cheese-im-spinach pie eo, im ainikien kajin eo kim kar ļap am jerbal kake n̄ān ekatak. Eo eļap tata, kōm̧im ekar lukkuun iakwe jerbal ippān armej ro ijo.
Iien n̄an iien, kakien kōn mejatoto ekar eddōkļo̧k ilo an pen. Jekar kajjieon̄ in katak wōt ilo am kwaļo̧k kōn gospel eo ak ejjab pōjrak am ron̄ kōn nuuj ko ro renana kajoorļo̧k ilo aolepen laļ eo. Innām kien eo ekar booje awa in kiki ko, im men otemjej rekar jino nana ļo̧k. Aelōn̄ eo ekar etalļo̧k n̄an juon tarinae.
Innām, ilo Maaj 14, aolepen mijen eo am riwojļo̧k. Iban meļo̧kļo̧k call eo ekar ba n̄an kim bwe eiien n̄an kuk tok ippān doon bwe kim en ekairir n̄an etal jān laļ eo. Ļōmņak ko rekabokbok im en̄jake ko rekar edoolul ilo kōļmenļo̧kjen eo aō. Aaet ikar kōnaan bwe in jaruk, ak ļōmņak eo n̄an etal jān baale ko kim ekar iakwe er, eļaptata ilo iien in ekabokbok, kar rub būruō. Ekar ejeļo̧k am iien n̄an iakwe er.
Ial eo am jān aelōn̄ eo ekar itok jān juon helicoper ļo̧k n̄an juon baluun edik im juon iien ekadu n̄an Italy m̧okta jān am bar etal n̄an juon mijen oktak. Ikar etal n̄an England. Ekar m̧ōkaj, im jidik kam̧ōņōņō, ak eļapļo̧k pen. Juon iaan men ko āliktata kōn Albania ej ilo aō kar alwoje an jakoļo̧k aneo ilaļin helicopter eo, ilo aō alijerļo̧k kōn ta eo enij waļo̧k n̄an armej ro kim ekar etal jān er.
Kapukōt Aenōm̧m̧an
Men̄e dipdrik in en̄jake ko am remaron̄̄ oktak n̄an en̄jake eo aō, ij lōmņak bwe jet iaami elōn̄ kain en̄jake ro rej waļo̧k kiiō. Innām ij kōjatdrikdrik bwe ta eo inaaj kwaļo̧k ej barāinwōt waļo̧k ippāmi. En̄in ej katak ko jiljiljino rekar jipan̄ n̄a pukōt aenōm̧m̧an.ālkin oktak in kabūlōn̄lōn eo im oktak in en̄jake in mijen eo aō.
-
Jerbal ippān ro jet Emaron̄̄ lōn̄ en̄jake ko am rekabūrom̧ōjm̧ōj im rekaibōkbōk remaron̄̄ katoļo̧k kwe jān ro jet. Ako elukkuun aorōk n̄an jerbal ippān doon, elaptata ilo iien in jej aikuj in kōm̧m̧ani oktak ko. Etal ippān armej ro rej kea ro remaron̄̄ jipan̄ kwe jetōb eo am. Kōn technology ko rainin, elukkuun ejeļo̧k jekpenņae. Bōlen komaron̄̄ pukōt juon armej eo komaron̄̄ katak kajin eo ippān. Komaron̄̄ barāinwōt kōnono ippān ro kokar jerbal n̄an er im katak ippāer. Men̄e komaron̄̄ en̄jake kwoj jab pād ijo kwon kar pād ie, kwoj jab make iaam̧. Men̄e baam̧le eo am im ro m̧ōttam rej jab lukkuun jeļā jibpan̄ eok, ijeļā bwe eļap aer kea kake kwe im kōnaan bwe en em̧m̧an am pād.
-
Wōnmaanļo̧k wōt im kwaļo̧k naan in kam̧ool eo am. Jekdoon ijoko jabdewōt ilo lal in kwoj pād ie im riiti men in, ejeļo̧k aō pere bwe ewōr armej ro ipeļaakim elap aer nej jeraam̧m̧an kōn jerbal ko am reoktak. Jab jookļo̧k ilo am kwaļo̧k kōn ta eo kwar katak im en̄jake āinwōt juon mijenede—jekdoon ewi to ako kadu in iien eo am “ioon meļaaj” Ilo am jerbal wōt ilo makūtkūt rekāāl rej waļo̧k im en̄jake pein Anij ilo mour eo am, kwaļo̧k en̄jake kein ippān ro koj iakwe er. Bōlen ta eo kwar ekatak jān em̧akūtkūt ko am emaron̄̄ juon men eo juon armej eļap an nej aikuj in ron̄.
-
Leke bwe Jemedwōj Ilan̄ ejeļā kajjiōm̧. Kwojeļā ta? Anij ejeļā men in en kar waļo̧k! Ta jet men ko rejan̄in waļo̧k ilo mour eo am. Im am Riļo̧moor, Jisōs Kraist, emeļeļe lukkuun ta eo koj en̄jake. Rej ped ippem ilo am etetal ilo ial in im remaron̄ kaenōm̧m̧an kwe jen Jetōb Kwojarjar. En̄jake in rub būruo emaron̄̄ juon iien aitok, im ej em̧m̧an wōt. Leke Irooj ke Eaar ba, “Inaaj pād ianbwijmaron̄̄imi im ianmiin̄imi, im Aō Jetōb enaaj pād ibūruōmi, im enjeļ ro Aō ipeļaakimi, n̄an kotak kom̧” (Katak im Bujen Ko 84:88
-
Kijenmej ilo am būromōj. Kwoj ke en̄jake illu? Būromōj? Bōbweer? Ak loe am make lōmnak, “Āinwot ejabwe!”? Ak bolen elukkuun oktak en̄jake ko am. Men eo kwōn jeļā bwe jabdewōt ta eo koj en̄jake kiiō ej jimwe. Kōj būromōje juon jako, im elukkuun aorōk n̄an kijenmej ippam make ilo am jerbal wōt men in. Ilo ijja iien in wōt, kakōm̧anm̧an n̄an jab ba eļap kōn en̄jake ko am ak ļap am lōmnake kōn men emōj aer mootļo̧k bwe enaaj jelōt am emakūtkūt rainin. Eļan̄n̄e koj en̄jake bwe aban̄ am wāween am mour ilo juon wāween eo em̧man, kajjitōk ippān bisop eo am ak mijen būreejtōn eo n̄an jipan̄ eok kōnaan ippān ro rijipan̄. Ejjeļo̧k kajookok ilo kajjitōk jipan̄.
-
Kōm̧m̧ani kijejeto n̄an karuwainene Jetōb. Wōnmaanļo̧k wōt n̄an kepaakļo̧k kwe ilo jerbal in gospel eo. Eļan̄n̄e eoktak ijo kwoj jerbal ie, wōnmaanļo̧k wot n̄an pokake kien ko an mijen. Kapūkōt wāween ko aolep raan n̄an kwaļo̧k n̄an jetōb kwojarjar bwe kōj kōnaan bwe En pād wōt ippam̧, im jeki ikdeelel ko kwōj bōki jān E. Epaake wōt Jetōb enaaj jipan̄ kwon kōm̧m̧ani kālet ko kōn ilju im jeklaj eo am barāinwōt kapūkot aenōm̧m̧an ilo ta eo kwoj ioone kiiō.
-
Kajoor wot ke koj “kūr wot n̄an jerbal.” Ilo juon iien aitok, ikar lōmnak bwe “kūr” ekar n̄an ijo kar kālet bwe in etal im jerbal ie āinwōt juon mijenede. Iakwe ke in kar meļeļe jinoin ke lukkuun kūr eo aō ej n̄an jerbal in karejar n̄an Anij jekdoon ia eo ij pād ie. Ilo bar ālikin an jako name tag eo aō, ikar pād wōt ilo kallim̧ur ko aō ilo iien peptaij n̄an bōk ioō etan Jisōs Kraist im kōm̧m̧an ekkar n̄an ro jet ilo wāween eo En kar kōm̧m̧an kajjojo raan. Men̄e ewor juon am mijen ekāāl ak emōj an jako am pād ilo jerbal in mijen, keememej bwe taļō ko am remaron̄̄ kōjerbali n̄an kalōk aelōn̄ eo an Anij ilo jabdewōt jikin koj etal n̄ane.
Ilo Pein
Āinwōt ij ba men eo elap an kakumkum kake ilo am kar etal jān Albania kōnke kōm ekar etal jān Rikwojarjar ro rekāāl ro kiiō renaaj make kajabwebwe n̄an katak gospel ilo am jab nej jipan̄. Ako kojeļā ta? Elukkuun kar em̧m̧an aer kōm̧m̧ane. Mekarta kim ekar jab ped n̄an jiban̄e er, Anij ekar ped ipper. Jan ke ikar etal jan ijo 20 iiō emootļo̧k, jerbal ko ilo aelōn̄ eo ekar em̧m̧anļo̧k, im Rikwojarjar ro relukkuun kajoor.
Kiiō, mijenede ro rejitōnboro, wō\nmaanļo̧k n̄an kapukōte jerbal eo aorōk kōn ta ko rej kajeon kapojrak eok. Ej wōr wōt armej ro rej aikuji ainikiem, im ej lōn̄ wot lan̄lōn̄ n̄an loi. Kōjerbal en̄jake kein reoktak ilo am kapukote iien em̧m̧an n̄an kōkajoor jemjera eo am ippān Anij. Anij en kōjeraam̧m̧an eok ilo am wōnmaaļo̧k kōn tōmak.