Ilo Digital Wōt: Rūm̧m̧an Ded ro
Ta Kabūn Jar ilo Mweo Ekar Katakin N̄a kōn Kweilo̧k Ippān Doon
Ikar buroōōj ke kweilo̧k ko ilo im̧ōnjar ko rekar ja m̧okta kilōk kōnke kōn nan̄inmej in. Kiiō ilukkuun jeraam̧m̧an kōn ta eo emōj aō ekatak.
Rijeje eo ej jokwe ilo Scania, Sweden.
Etal n̄an jikin jar ekar juon iaan men ko ekam̧ōņōņō ilo kajjojo wiik ko aō. Em̧m̧an ippa ippān doon ippān m̧ōtta im baam̧le im jolikļo̧k inepata ko an laļ ilo am kabūnjar ippān doon.
Innām aolep men rekar oktak kōn nan̄inmej in. Ilo iien eo, ekar jab lukkuun lōn̄ ro rekar bōke nan̄inmej in coronavirus ilo Sweden, im jikuuļ ekar wōnmaanļo̧k wōt āinwōt m̧okta, innām ikar jab meļeļe etke ritōl ro ilo Kabūn in rekar kapōjrak kweilo̧k ko. Kōn aolep men ko rekabwebwe rekar waļo̧k ilo aolepen laļ in, ikar ikideelel in kōnono ippān ro mōtta ilo Jabōt. Akō ikar loe ke kweilo̧k ko an Kabūn in emōj aer kilōk m̧okta im bwe jen kar kabūnjar ilo m̧oko m̧weimōd. Ikar jim̧ōr buromōj im kar illu jidrik.
Ke ekar raan in Jabōt, ikar kanōke nuknuk ko aō im kōkamanmane meja, m̧ōn̄ā in jibbon̄, im jijjōt ippān jinō im jema. Ikar loe bwe jema ekar kapooje kwojkwoj eo kōn juon nuknuk mouj io̧o̧n pilawe eo im dren eo im kar kapeļo̧k jeje ko rekwojarjar an n̄an jar in kwojkwoj eo.
Iien eo ekar itok n̄an al al in kwojkwoj eo. Ke jema ekar ruje pilawe eo, ikar en̄jake Jetōb eo ekajoor. Āinwōt ke ekar ba n̄an n̄a bwe Pinmuur eo an Jisōs Kraist ekar lukkuun n̄an n̄a wōt. Ikar jino jan̄, im ke ikar reiļo̧k n̄an jinō, ikar loe bwe ekar barāinwōt jan̄ im reitok n̄an n̄a ekar—en̄jake Jetōb eo barāinwōt.
Men̄e ikar jab meļeļe m̧okta, ijelā bwe bōke kwojkwoj eo ilo m̧oko ej juon men eo n̄an kōj make im juon iien aiboojoj. Ilo jejjo̧ wiik ko, eļapļo̧k aō kam̧m̧ooļol kōn priesthood eo im kōn jepļaaktok eo an gospel in, eo ej letok n̄an kōj ineem̧m̧an im aenōm̧m̧an. Ikar barāinwōt en̄jake iakwe eo an Jemedwōj Ilan̄ n̄an aolep ajri ro Nejin. Im ekar lukkuun ļap aō kam̧m̧oolol kōn rikanaan eo, eo ej jipan̄ kōj n̄an jelā ta eo jej aikuj kōm̧m̧ane, men̄e jej jab lukkuun meļeļe etke.
Jān iien eo jekar bōk kabpiļōkļōk n̄an jar ilo m̧oko, nan̄inmej in COVID-19 ekar ajeeded n̄an elōn̄ taujin armej ro ilo Sweden im wōnmaanļo̧k wōt jelōt etin aolep laļ ko ilo laļ in. Im ilo an em̧m̧an ippa jar ilo m̧ōko ippān jet iaan ro jej iakwe er, ikar barāinwōt jeļā bwe ejjab āinwōt ad etal n̄an jikin jar im kabūnjar ippān doon āinwōt juon ward ak branch. Ejjeļo̧k āinwōt ilo ad kōkajoor ilo iien kwojkwoj ko im kwelo̧k ko jet.
Ilo an kar Elder D. Todd Christofferson jān Doulul eo an Jon̄oulruo Rijilōk ro kar katakin, “Juon un eļap unin an wōr m̧ōn jar an Irooj ej n̄an ejaake juon jukjuk in pād eo an ro Rekwojarjar ro me renaaj rejtake doon ilo iaļ eo ‘erānin̄ im eaidik eo ej tōlļo̧k n̄an mour indeeo.’ [2 Nipai 31:18].”1
Ikar jeļā bwe jar eļapļo̧k meļeļein jān ad ippān doon ippān ro mōttad ilo kajjojo wiik ko. Ej kōn bōke kwojkwoj eo, en̄jake ta eo ej n̄an kōj, jipan̄ doon, im kalōk jukjuk in pād eo kōn tōmak ilo aelōn̄ eo an Anij. Inaaj kam̧m̧oolol aolep iien kōn kōjeraam̧m̧an ko n̄an maron̄̄ kabūnjar ilo m̧ōko ilo iien nan̄inmej in COVID-19 in im kōn men ko rekāāl ij bōki kōn aorōk in ippān doon. Kwojkwoj enaaj ļap an juon iien em̧man eļan̄n̄e jenaaj bar ioon doon juon iien.