“Jesu o Re File Selallo,” Motsoalle, Phuptjane 2021
Molaetsa oa khoeli Motsoalle Hlakola, 2021
Jesu O Re File Selallo
Litśoantśo ka Apryl Stott
Jesu o ne a tseba hore nako ea hae lefats´eng e se e tla fela. O ile a bokella Ba-apostola ba hae ´moho bakeng sa Lijo tsa Mantsiboea tsa ho qetela. O ile a ba fa selallo ´me a ba kopa hore ba mo hopole kamehla.
Jesu o ile a ea serapeng ho ea rapela. O ile a utloa bohloko bakeng sa libe tsohle le lintho tsohle tse hlonamisang bophelong ba motho e mong le e mong. Eaba o shoella sefapanong, ´me a patoa lebitleng.
Hoseng ha Sontaha kamor´a hore Jesu a shoe, basali ba bang ba ile lebitleng. Lejoe le monyako le ne le thetetsoe thoko, ´me lebitla le ne le se na letho! Jesu o ne a le kae?
O ne a phela hape! Maria Magdalena o bone Jesu. O ile a etela Ba-apostola ba hae e le hore ba tle ba itokisetse ho ruta evangeli kamor´a hore a khutlele leholimong.
Ha ke nka selallo, ke hopola Jesu. Ke hopola hore o phetse, ´me a shoa, ´me a tsoha bafung bakeng sa ka!
Leqephe la Ho taka
Lelapa la heso le khethehile
© 2020 by Intellectual Reserve, Inc. All rights reserved. Printed in USA. Tumello ea Sekhooa: 6/19. Tumello ea phetolelo: 6/19. Phetolelo ea Monthly Friend Message, June 2021. Sesotho. 18611 739