Bulanan nga Mensahe sang Friend [Abyan], Hunyo 2021

Ang Mag-utod nga Rollins Nagsalbar sang Adlaw!

Si Joseph Smith nga nagatan-aw sang mga gin-imprinta

Mga ilustrasyon ni Apryl Stott

Si Jesucristo nagsugid sa Propeta nga si Joseph Smith sing madamo nga importante nga mga butang agud buligan kita. Ang Simbahan nagpahamtang sang imprintahan nga mag-imprinta sang mga pulong ni Jesus. Sa sina nga paagi mabasa ang mga ini sang mga tawo.

mga tawo nga nagapanghaboy sang mga gin-imprinta

Isa ka adlaw, isa ka grupo sang akig nga mga tawo ang nag-abot. Ginguba nila ang imprintahan. Ginpanghaboy nila ang mga pahina sang balaan nga mga kasulatan sa dalan.

mga bata nga babayi nga nagadalagan dala ang mga papel

Nakita sang mag-utod nga sanday Mary Elizabeth kag Caroline Rollins ang natabo. Nagdalagan sila kag gintipon ang mga pahina sa ila mga butkon.

mga bata nga babayi nga nagapanago sa kamaisan

Ang mga bata nga babayi nagpanago sa kamaisan tubtob maghalin ang mga tawo. Nasalbar nila ang balaan nga mga kasulatan! Inang balaan nga mga kasulatan nangin kabahin sang Doktrina kag mga Kasugtanan.

bata nga babayi kag lola nga nagabasa sang balaan nga mga kasulatan sa bus

Sarang ko mabasa ang balaan nga mga kasulatan. Sarang ako mangin maisog kag tindugan ang akon ginapatihan.

Tan-awa sa Dali, Magsunod sa Akon para sa Doktrina kag mga Kasugtanan 67–70.

Ginakoloran nga Pahina

Sarang Ako Mangin Maisog

bata nga ginabakunahan

Ano ang nagabulig sa imo nga mangin maisog?

© 2021 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly Friend Message, June 2021. Hiligaynon. 17470 861