“The Rollins Sisters Save the Day!” Friend, June 2021
ຂ່າວສານປະຈຳເດືອນ Friend, ເດືອນມິຖຸນາ 2021
ພວກເອື້ອຍນ້ອງ ໂຣລິນສ໌ ທີ່ກ້າຫານ!
ຮູບພາບປະກອບໂດຍ ເອໂພ ສະຕ໋ອດ
ພຣະເຢຊູຄຣິດໄດ້ບອກສາດສະດາ ໂຈເຊັບ ສະມິດ ເຖິງສິ່ງສຳຄັນຫລາຍຢ່າງເພື່ອຊ່ວຍເຫລືອເຮົາ. ສາດສະໜາຈັກໄດ້ຈັດໂຮງພິມຂຶ້ນເພື່ອພິມພຣະຄຳຂອງພຣະເຢຊູ. ຕາມວິທີນັ້ນ ຜູ້ຄົນຈະສາມາດອ່ານພຣະຄຳເຫລົ່ານັ້ນ.
ມື້ໜຶ່ງ, ກຸ່ມຜູ້ຊາຍທີ່ໃຈຮ້າຍໄດ້ມາ. ພວກເຂົາໄດ້ທຳລາຍໂຮງພິມ. ພວກນາງໄດ້ໂຍນແຜ່ນເຈ້ຍພຣະຄຳພີຖິ້ມອອກໄປໃນຖະໜົນ.
ສອງເອື້ອຍນ້ອງຊື່ ນາງແມຣີ ເອລີເຊເບັດ ແລະ ນາງ ແຄໂຣລາຍ ໂຣລິນສ໌ ໄດ້ເຫັນເຫດການທີ່ໄດ້ເກີດຂຶ້ນ. ພວກເຂົາໄດ້ແລ່ນໄປ ແລະ ຫອບເອົາແຜ່ນເຈ້ຍເຫລົ່ານັ້ນ.
ພວກນາງນ້ອຍໄດ້ລີ້ຊ່ອນຕົວຢູ່ໃນທົ່ງສາລີຈົນກວ່າພວກຜູ້ຊາຍເຫລົ່ານັ້ນໄດ້ໜີໄປ. ພວກນາງໄດ້ຮັກສາພຣະຄຳພີເອົາໄວ້! ຕໍ່ມາ ພຣະຄຳພີເຫລົ່ານັ້ນກໍໄດ້ກາຍມາເປັນພາກສ່ວນຂອງຄຳສອນ ແລະ ພັນທະສັນຍາ.
ເຮົາສາມາດອ່ານພຣະຄຳພີ. ເຮົາສາມາດເປັນຄົນກ້າຫານ ແລະ ຢືນຢັດເພື່ອສິ່ງທີ່ເຮົາເຊື່ອ.
ໜ້າລະບາຍສີ
ເຮົາສາມາດເປັນຄົນກ້າຫານ
ແມ່ນຫຍັງຊ່ວຍເຈົ້າໃຫ້ເປັນຄົນກ້າຫານ?
© 2021 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, June 2021. Laotian. 17470 331